Paranthropus aethiopicus
 |
||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Paranthropus aethiopicus baten buruhezurraren kopia
|
||||||||||||||||||
| Sailkapen zientifikoa | ||||||||||||||||||
|
Paranthropus aethiopicus Hominidae familiako Paranthropus generoko espezie fosil bat da. Genero honetako zaharrena da. Duela bi milioi urte eta erdi bizi izan zen Homo eta Australopithecus generoarekin batera.
1967an Turkana lakuaren inguruan, 2,5 milioi urteko mandibula bat aurkitu zen, baina aurkikuntza horrek ez zuen inportantzia handiegirik eduki harik eta Richard Leakey ikerlari famatuak burezur bat aurkitu zuen arte: burezur beltza, lehen aipatutako mandibularen espezie bereko gizaki batena.
Azken aurkikuntza honek bide berriak ireki zituen eta Bosei eta Robustus espezieen ikerkuntza bultzatu zuen.
Australopithecusen habitata baino leku lehorrago batean bizi izan zen, nahiz eta ez dirudien sabana zenik. Kontuan hartu behar dena duela 2,8 milioi urte aldaketa klimatiko handi bat gertatu zela da, Australopithecus generoaren azkena eta Paranthropus eta Homo generoen sorrera ekarri zuena.
Espezie hau, bere generoan gutxien espezializatuena da, prognatismo handia gordetzen baitu.
