Parisko 4. barrutia

Wikipedia(e)tik
Hona jo: nabigazioa, Bilatu

Parisko 4. barrutia
Hôtel-de-Ville

Azalera 1,60 km²
Garaiera 27–38 m
Biztanleria 28 572
Dentsitatea 17.857 bizt / km²
Posta kodea 75004

Parisko 4. barrutia (frantsesez 4e arrondissement de Paris) Paris banatuta dagoen hogei barrutietako bat da. Sena ibaiaren eskuinaldean dago. Arrondissement de l'Hôtel-de-Ville izena ere badu, izen hau askorik erabiltzen ez den arren.

Mendebaldean, 1. barrutiarekin, iparraldearen 3.arekin, ekialdean 11.a eta 12.arekin, eta, hegoaldean, Sena ibaiarekin eta 5. barrutiarekin muga egiten du.

4. barrutian dago Parisko Udaletxea, pizkundetar estiloko eraikina. Vosges plaza pizkundetarra ere bertan dago, baita Pompidou Zentro modernoa, eta Le Marais barruti erdiarotarreko hegoaldeko gune animatua ere, gaur egun, Parisko auzo homosexuala izateagatik ezaguna (iparraldeko zatia, lasaiagoa dena, 3. barrutiko zati den bitartean). Île de la Citéren ekialdeko zatia (Parisko Notre-Dame katedrala barne) eta Île Saint-Louis ere, 4. barrutian dago.

Historia[aldatu | aldatu iturburu kodea]

Île de la Cité, K. a. I. mendetik populatua egon da, garai horretan, parisiarren tribu galiarrak okupatu zuelarik. Eskuineko ibarreko lehen finkapenak, Erdi Aroan egin ziren (V. mendean zehazki). XIX. mendearen amaieratik, Le Marais, judutar jende askok populatua egon da, Rue des Rosiers, bere elkartearen erdian dago, non kosher jatetxe ugari dagoen. 1990eko hamarkadatik, kultura homosexualak eragin handia izan du barruti honetan, Udaletxe inguruan taberna eta jatetxe asko irekiz.

Administrazioa[aldatu | aldatu iturburu kodea]

Barruti hau, lau auzotan banatua dago:

  • Saint-Merri auzoa
  • Saint-Gervais auzoa
  • L'Arsenal auzoa
  • Notre-Dame auzoa

Bere egungo alkatea, Dominique Bertinotti da, alderdi sozialistakoa. 2008an berriz aukeratua izan zen beste sei urterako.

Demografia[aldatu | aldatu iturburu kodea]

4. barrutiaren mapa xehatua

4. barrutiak biztanle gehien izan zituen urtea, 1861 baino lehenago izan zen, barrutia, gaur egungo moduan, soilik 1860ko Parisen berrantolaketaren ondoren existitu den arren. 2005ean, barruti honetako biztanleria 28.600 biztanlekoa zen 1,601 kilometro karratuko azalera batean, 17.864 biztanle kilometro karratuko dentsitatea ematen duelarik.

Urtea
(errolda nazionala)
Biztanleria Dentsitatea
(bizt/km²)
1861 (gehiengo biztanleria)¹ 108 520 67 783
1872 95 003 59 377
1954 70 944 41 638
1962 61 670 38 520
1968 54 029 33 747
1975 40 466 25 275
1982 33 990 21 230
1990 32 226 20 129
1999 30 675 19 160
2005 28 600 17 864

¹Barrutiko biztanleria, bere puntu gailnera, 1861 baino lehenago iritsi zen, baina urte hau baino lehenagoko datu fidagarririk ez dagoenez, gehiengo biztanleria hori, 1860ko Parisen berrantolakuntzaren ondorengo garaiarekiko kontuan hartzen da.

Interesguneak[aldatu | aldatu iturburu kodea]

Parisko Notre-Dame katedrala, 4. barrutian
Parisko udaletxea
Vosgeseko Plazaren osoko ikuspegia

Kale eta plaza nagusiak[aldatu | aldatu iturburu kodea]

Kanpo loturak[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Parisko 4. barrutia