Pazifikoko eskualdea (Kolonbia)

Wikipedia(e)tik
Hona jo: nabigazioa, Bilatu
Mapa de Colombia (región del Pacífico).svg
Pazifikoko itsasaldea.

Pazifikoko eskualdea Kolonbiako mendebaldean, Ozeano Barearen eta Andeeen artean, dagoen eskualde naturala da. 83.170 km²-ko azalera dauka.

Deskribapena[aldatu | aldatu iturburu kodea]

Pazifikoko eskualdea Panamako mugatik (iparraldean) Ekuadorko mugaraino (hegoaldean) hedatzen da. Ekialdean Mendebaldeko mendilerroak mugatzen du eta mendebaldean Ozeano Bareak.

Oso eskualde hezea da, munduko plubiometria handienetakoa duena: urteko batezbestekoa 4.000 mm-koa da, baina zenbait tokitan urtean 12.000 mm jasotzen dira. Oso ibai emaritsuek zeharkatzen dute eskualdea. Aipagarrienak Atrato, San Juan, Baudó, Mira eta Patía dira. Zingira eta mangladi zabalak daude[1].

Populazio-dentsitate txikia du. Hiri handienak Buenaventura, Kolonbiako itsas portu garrantzitsuena, Quibdó, Tumaco eta Guapi dira. Populazio beltza gehiengoa da.

Departamenduak[aldatu | aldatu iturburu kodea]

Chocó da bere lurraldearen gehiena eskualde honetan daukan departamendu bakarra. Departamenduko hiriburua Quibdó da.

Honez gain, Nariño, Cauca, Valle del Cauca eta Antioquia departamenduek zati bat eskualde honetan daukate.

Erreferentziak[aldatu | aldatu iturburu kodea]

  1. Todacolombia.com: Regiones naturales