Pedro Canisio
Wikipedia(e)tik
Pedro Canisio Holandar jesuita eta Elizako doktorea (Nimega, 1521 - Friburgo, Suitza, 1597). 1543an Jesusen Lagundian sartu zen eta 1546an apaiz egin zen. Trentoko kontzilioko teologo nagusietako bat izan zen. Alemaniako nagusi izendatu zuten 1556an, eta 1580. urtean, Suitzara joan ondoren, Friburgoko ikastetxea sortu zuen. Kontrarreforma edo erreforma katolikoa bultzatu zuen erreforma protestantearen aurka. Obra batzuk idatzi zituen teologiaren inguruan eta katixima bat argitaratu zuen: Summa doctrinae christianae (1555).
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
