Pedro Irizar
| Pedro Irizar | |
|---|---|
| Bizitza | |
| Jaiotza | Azkoitia, 1910eko abuztuaren 11 |
| Herrialdea |  Gipuzkoa, Euskal Herria |
| Heriotza | Madril, 2004 (93/94 urte) |
| Jarduerak | |
| Jarduerak | hizkuntzalaria eta ingeniaria |
| Kidetza | Eusko Ikaskuntza Euskaltzaindia |
Pedro Irizar Barnoya (Azkoitia, Gipuzkoa, 1910eko abuztuaren 11 – Madril, Espainia, 2004) euskal hizkuntzalaria, ingeniaria eta gaztelaniazko idazlea izan zen.[1] Euskaltzain urgazlea izan zen 1947az geroztik, eta ohorezko euskaltzain 1987az geroztik.
Bizitza[aldatu | aldatu iturburu kodea]
Madrilen eman zuen bizitza, eta urteetan aurrera joanda ere, ez zion utzi hizkuntzalaritzari. Alor horretan, euskal aditza izan zuen aztergai nagusi hirurogei urtez, horren inguruko hainbat lan kaleratuz. Lehenik, gipuzkerazko aditz-formak bildu zituen, eta bi liburutan kaleratu. Beste horrenbeste egin zuen, ondoren, bizkaierakoekin (bi liburu), hegoaldeko goi-nafarrerakoekin eta erronkarierakoekin (liburu bana), lapurterakoekin (bi liburu), mendebaldeko behe-nafarrerakoekin (liburu bat) eta ekialdeko behe-nafarrerakoekin (hiru liburu) eta zubererakoekin (liburu bat).
2000. urtean omenaldia eskaini zion jaioterriko udalak, euskararen alde eginiko lana eskertzeko asmoz. 2008an, Euskaltzaindiak, haren lan guztiak bilduta, Morfologia del verbo auxiliar vasco argitaratu zuen.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Etxebarria Bilbao, Jose Ramon. (2020). Komunikazioa euskaraz ingeniaritzan (Bigarren argitalpena zuzendua). Udako Euskal Unibertsitatea, 12 or. PMC 1222923008. (Noiz kontsultatua: 2021-11-30).
Bibliografia[aldatu | aldatu iturburu kodea]
- Jauregizar Ormaetxea, Amaia: "Pedro de Yrizar eta EHHA", Egan, 2011-1/2, 111-123
