Pepe Artola

Pepe Artola
Bizitza
Jaiotzako izen-deiturak	Jose Artola Elizetxe
Jaiotza	Donostia, 1864ko urtarrilaren 4a
Herrialdea	Gipuzkoa, Euskal Herria
Heriotza	1929ko apirilaren 29a (65 urte)
Familia
Aita	Ramon Artola
Anai-arrebak	ikusi Rosario Artola
Hezkuntza
Hizkuntzak	euskara gaztelania
Jarduerak
Jarduerak	bertsolaria eta idazlea

Jose Artola Elizetxe —Pepe Artola izen-deiturez ezaguna— (Donostia, Gipuzkoa, 1864ko urtarrilaren 4a - 1929ko apirilaren 29a) euskal idazlea izan zen. Iturgina, 18 urterekin argitaratu zituen lehen bertsoak. Bakarrizketa eta antzerki-lan txiki askoren egilea, Donostian XIX. mendearen bukaeran ugaldu ziren antzerkigile-multzo haren artekoa izan zen (Martzelino Soroa, Biktoriano Iraola...). Usandizagak musika ezarri zion Mendi Mendiyan lan lirikoaren egilea da (1910). Donostian kale bat dago Artolaren izenean, Intxaurrondo auzoan.

Biografia

Pepe Artola, Ramon Artola idazle eta bertsozalearen semea zen. Ama, Manuela Elizetxea, lezotarra zen. Bost anai-arreba izan ziren: Ramon, Pako, Pepe, Manuel eta Rosario Teodora. Gazteena, Rosario, idazlea eta bertsolaria izan zen. 1887an Joakina Urkola Iraolarekin ezkondu zen, eta bi alaba izan zituzten, Rosario eta Modesta. Modesta jaio eta hogei bat egunera ama hil zen, eta urte batzuk geroago, 1893an, Pepe berriro ezkondu zen, Gertrudis Gartxotenea Larrañagarekin. Bigarren ezkontza hartatik bi alaba jaio ziren: Ramona eta Pepita.

Lanak

Antzerkia

• Bixente. Jostirudia bi egintzetan (1901, J. Baroja eta semea)
• Praishku. Bakarrizketa (1902, J. Baroja)
• Sabiroya. Jostirudia egintza batian (Itz neurtuan eta itz laburrian) Oñatiko Euskal-Festetan saritua (1903, J. Baroja)

Bertsoa

• Ustez laguna detan eta beste bertso asko (1961, Auspoa)

Kanpo loturak

• «Pepe Artola», Literaturaren Zubitegia.

• Datuak: Q12265747
• Jatorrizko testuak: Egilea:Pepe Artola