Perla Ibaiko dorrea

Perla Ibaiko dorrea
	Dorrearen ikuspegia 2012ko urtarrilean.; Irudi gehiago
Kokapena
Estatu burujabe	Txinako Herri Errepublika
Txinako probintzia	Guangdong
Azpiprobintzia mailako hiri	Guangzhou
Koordenatuak	23°07′36″N 113°19′03″E / 23.1267°N 113.3175°E
Historia eta erabilera
Irekiera	2011
Jabea	China Tobacco (en)
Arkitektura
Arkitektoa	Adrian Smith + Gordon Gill Architecture (en)
Eraikitzailea	Shanghai Construction Group (en)
Egitura ingeniaritza	Skidmore, Owings and Merrill
Estiloa	neo-futurism (en)
Dimentsioak	309,6 () m ;
Solairuak	71
Lurrazpian	5
	29

Perla Ibaiko Dorrea edo Pearl River Tower (txineraz: 珠江大厦), Txinako Herri Errepublikako Guangzhou hirian dagoen bulego etxe orratza da. Eraikuntza lanak 2011an amaitu ziren eta 309 metro eta 71 solairu dauzka.

Arkitektoa[aldatu | aldatu iturburu kodea]

Skidmore, Owings and Merrill arkitekto talde estatubatuarrak diseinatutako etxe orratz honek, haizearen indarrarekin energia ekoizteko airesorgailuak izango ditu egiturako hainbat puntutan.

Eraikuntza[aldatu | aldatu iturburu kodea]

2005eko udazkenean, dorrearen diseinua erabakitzeko nazioarteko arkitektura lehiaketa antolatu zen, Skidmore, Owings and Merrill irabazle izan zirelarik. Lehen harria 2006ko irailaren 6an jarri zen eta makinera ondorengo asteetan hasi zen lanean. 2008ko urtarrilean, lurpeko solairuentzako zulaketa amaitu zen, eta ondoren, eraikuntza garabiak jarri eta lurpeko solairuak altxatzen hasi ziren.

2008ko abuztuan, lur-gaineko egitura eraikitzen hasi ziren. 2009ko apirilean 15. solairua eraiki zuten, eta hilabete batzuk beranduago, urrian, behekaldeko solairuetan, dorreak izango zuen gortinazko hormadun fatxada jartzen hasi ziren.

2010eko martxoaren 17an, dorreak gorengo garaiera eskuratu zuen, azken solairuetako altzairuzko egitura jartzean.