Pesaro
Wikipedia(e)tik
Pesaro (latinez: Pisaurum) Italiako ipar-ekialdeko hiria eta portua da, Pesaro eta Urbino herrialdeko (2.893 km2) hiriburua, Marcheko lurraldean, Itsaso Adriatikoaren ertzean, Foglia ibaiaren bokalean.
91.983 biztanle ditu (2004-12-31).
Eduki-taula |
Historia [aldatu]
Pisaurum izena zuen antzina. Kolonia erromatarra izan zen (184). 1285etik 1445era bitartean, Malatesta familiaren eskuetan egon zen hiria, eta 1445ean Sforza familiak erosi zuen.
G. Rossiniren sorterria da; Liceo Musicale Rossini sortu zuen bertan musikagile horrek.
Ekonomia [aldatu]
Sufre-findegiak, mekanika-industria eta ehungintza dira jarduera ekonomiko nagusiak. Oso ezagun egin zen mundu osoan Pesaroko zeramika.
Ondasun nabarmenak [aldatu]
- Apezpiku-egoitza.
- Duke-jauregia (XV. mendea).
- Katedral erromanikoa
- Arkeologia-museoa.
- Bainuetxea.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
