Philipp Melanchthon

Philipp Melanchthon, jaiotza-izena Philipp Schawarzerd (Bretten, Karlsruhetik hurbil, 1497ko otsailaren 16a - Wittenberg, 1560ko apirilaren 19a) alemaniar teologoa eta Erreforma Protestantearen lider intelektuala izan zen.

1518an Wittenbergeko unibertsitateko grekozko katedra lortu zuen, eta han Luteroren adiskide eta laguntzaile izan zen. 1521ean Lutero defenditu zuen Sorbonako Unibertsitatean, Apologia pro Luthero izeneko liburuaren bidez. Protestantismoaren funtsezko testu izan zen Augsburgeko aitorpenaren egile garrantzizkoena izan zen. 1546an Lutero hil zenean, ebanjelikoen buru bihurtu zen. 300 lan baino gehiago idatzi zituen, horien artean Loci communes rerum theologicarum, protestanteen lehen lan dogmatikoa.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Philipp Melanchthon

Datuak: Q76325
Multimedia: Philipp Melanchthon / Q76325