Pikornabirus

Pikornabirus
Irudi gehiago
Sailkapen zientifikoa
Erreinua	Orthornavirae
Filuma	Pisuviricota
Klasea	Pisoniviricetes
Ordena	Picornavirales
Familia	Picornaviridae [[|]]

Pikornabirusak Picornaviridae familian sailkatzen diren birusak dira, gizakia zein animaliak infektatzen dituztenak. Familia honetan 6 genero daude gaur egun (2009an): enterobirusak, errinobirusak, hepatobirusak, parekobirusak, kardiobirusak eta aftobirusak.

Haien izenak ("piko") txikiak direla adierazten du, birus hauek 25-30 bitarteko diametroa (nm-tan) baitute.

Material genetikoari dagokionez pikornabirusek harizpi bakarreko RNA dute (polaritate positibokoa), kapside ikosaedriko batez babestua. Kapside honek protomero izeneko azpiunitatez osatuta dago (60 protomerok osatzen dute), eta kanpotik ez du bilgarririk (birusak "biluziak" baitira).

Pikornabirusek animalia-birusen talde garrantzitsuenetariko bat osatzen dute. Bertan giza-patogeno asko daude: errinobirusak, esaterako, hotzeri edo katarro arruntaren eragileak dira; enterobirusak, aldiz, digestio-aparatuko gaitzak sorrarazten dituzte (tartean, poliomelitisa); hepatobirusen generoan A hepatitisaren eragilea dago; parekobirusek, azkenik, arnas traktuaren eta digestio-aparatuaren infekzioak sortzen dituzte.

Kanpo estekak

• Datuak: Q936600
• Multimedia: Picornaviridae / Q936600
• Espezieak: Picornaviridae