Pirinioaurrea
Wikipedia(e)tik
Pirinioaurrea[1] Pirinioen ondoko eskualde menditsua da, batzuen ustez mendilerro nagusiaren parte dena.
Eduki-taula |
Pirinioen hegoaldeko Pirinioaurrea [aldatu]
Bi unitatetan banatzen dira, bien artean Pirinioaurreko Erdialdeko Sakonunea izanik[2]:
- barnealdean mendilerroko altuera gehien duten tontorrak daude (Barruko Mendilerroa);
- kanpoaldean eta aurrekoaren paraleloan daude, altuera txikiagoa duten tontorrak daude (Kanpoaldeko Mendilerroa).
Hegoaldean mendebalde-ekialde ardatzean 425 kilometroko luzera du, Euskal Herria, Aragoi eta Katalunia zeharkatzen dituela. Zabalera handiena erdigunean du: 40 kilometro. Altuera handiena duten Pirinioaurreko tontorrek 2.000 metro baino gehiago dutenez, zaila da Pirinioaurrearen eta Pirinioen arteko muga zehaztea.
Pirinioen iparraldeko Pirinioaurrea [aldatu]
Iparraldean, Ipar Euskal Herritik Ipar Kataluniaraino heltzen da Pirinioaurrea. Han, mendiek altuera txikiagoa dute, gune nagusiak Corbières eta Plantaurel mendilerroak izanik.
Erreferentziak [aldatu]
- ↑ (Euskaraz) 159. araua, Euskaltzaindia, 41. or., http://www.euskaltzaindia.net/dok/arauak/Araua_0159.pdf. Noiz kontsultatua: 2010-10-5
- ↑ Edeso, José Miguel, Euskal Herriko Geologia esparrua, "Andrés de Urdaneta" Euskal Geografi Elkargoa, http://www.ingeba.org/euskara/geolog/geolog.htm
