Pitt "Gaztea"

Wikipedia(e)tik
Hona jo: nabigazioa, Bilatu
OlderPittThe Younger.jpg
Artikulu hau semeari buruzkoa da; beste esanahietarako, ikus «William Pitt (argipena)».

William Pitt Gaztea (Hayes, Kent, 1759ko maiatzaren 28a - Londres, 1806ko urtarrilaren 23a) politikari ingelesa izan zen, Pitt Zaharraren semea. Cambridgeko Unibertsitatean ikasketak egin ondoren, abokatu-lanetan hasi zen 1780an. Urtebete geroago, legebiltzarkide hautatu zuten, eta, hurrengo urtean, Ekonomiako ministro (Chancellor of the Exchequer) izendatu zuten. 1783an, gobernua osa zezala agindu zion Jurgi III.a erregeak. Aldez aurretik zaharkitua zegoen legebiltzarra berritzeko asmoak agertu zituen, progresistagoa izan zedin. Ekonomiako ministro zela, Ingalaterraren eta Estatu Batuen arteko kolonietako gerren ondorioz, Ingalaterrak pilatutako zorrari aurre egin behar izan zion. Zerga berriak asmatu zituen, kontrabandoari aurre egin zion, aduanetako administrazioa arindu zuen, eta krisia gainditzeko bestelako ekonomia-neurriak hartu zituen. Frantziako Iraultzak, Ingalaterrarentzat mehatxu militarra izateaz gainera, Irlandako Iraultza Katolikoa bultzatu zuen. 1801ean erregeak Pittek nahi zituen erreformak indarrean jartzea saihestu zuelarik, azken horrek uko egin zion gobernuan jarraitzeari. 1804an itzuli zen aginpidera, harik eta 1806an Pittek bultzatutako Austria, Errusia, Suedia eta Britainia Handiaren arteko koalizioak Ulmeko eta Austerlitzeko guduak Frantziaren aurka galdu zituen arte. Handik aste gutxira hil zen.


Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Pitt "Gaztea" Aldatu lotura Wikidatan