Planes, Trains and Automobiles
Planes, Trains and Automobiles (euskaraz Hegazkinak, Trenak eta Autoak) 1987ko John Hughes estatubatuar zinema zuzendari, gidoigile eta ekoizleak zuzendu, idatzi eta ekoiztutako komedia film bat da. Steve Martin eta John Candy aktoreek antzeztu zuten.
Argumentua
Neal Page (Steve Martin) New York hirira lan gaiengatik bidaitu duen negoziogizon bat da. Patuaren halabeharrez, Del Griffith (John Candy) bainuetako kortina-saltzaile xelebre eta lagunkoia ezagutuko du, eta haren erruz bere Chicagoko etxera Esker emate eguneko itzulerako hegaldia galduko du. Page lasterrera Griffith haren bizimodu zorrotz eta araututik oso bestelakoa eta ezberdina den mundu batean bizi dela ohartuko da: halere, patuaren hainbat gertakizunen ondorioz elkarrekin bizitzera eta batak bestearengandik ikastera derrigortuak egongo dira. Zein ala zein izaera ezberdinagokoak diren bi gizonek abentura, ezbehar eta gorabeherez beteriko bi egun igaroko dituzte, Griffithek Neal Esker emate eguneko bere familiarekin afaltzeko garaiz iritsi dadin eramaten saiatuko da.
Aktoreak
- Steve Martin: Neal Page, bere lanbidearen ondorioz AEBetan barna etengabe bidaiatzen duen eta oporretan etxean sarturik egon nahi duen negoziogizon ipurterre, ezkor, ziniko, petral eta berekoia
- John Candy: Del Griffith, Neali lagundu nahi dion bainuetako kortina-eraztunen saltzaile baikor, lagunkoi, baldar, ganoragabe eta alaia
- Laila Robins: Susan Page
- Michael McKean: Estatuko polizia
- Kevin Bacon: Taxilaria
- Dylan Baker: Owen
- Olivia Burnette: Marti Page
- Larry Hankin: Doobie
- Richard Herd: Walt
- Matthew Lawrence: Neal Page, Jr.
- Edie McClurg: Alokairuko autoen agentea
- Bill Erwin: Hegazkineko gizona
- Ben Stein: Wichitako aireportuko ordezkaria
- Diana Dill: Peg
- Lyman Ward (krediturik gabe): John
- William Windom (krediturik gabe): Bryant