Policastroko golkoa
Policastroko golkoa Tirreno Itsasoan irekitzen den badia zabal bat da. Infreschi Muturretik Cilenton Scalea lurmuturreraino Goi Tirreno cosenzarrean hedatzen da. Izena, Policastro Bussentino herri txikitik hartzen du, Santa Marina udalerriko auzoa, Magna Graeciako antzinako Pixous, eta, ondoren, erromatar garaian, Buxentum izan zena.
Golkoa, administratiboki, hiru probintziatan banatua dago (Salernoko probintzia, Potenzako probintzia eta Cosenzako probintzia), hiru eskualde ezberdinetakoak direnak (Campania, Basilicata eta Calabria). Basilicatak Tirreno itsasoan duen kostalde guztia, Polikastroko golkoan dago. Bertako udalerririk garrantzitsuenak Sapri Campanian, Maratea Basilicatan eta Praia a Mare eta Scalea Calabrian, dira. Campaniari dagokion golko zatian, Zilento eta Dianoren Haranaren Parke Nazionalaren zati bat dago.
