Poliziaren gehiegikeria kasuen zerrenda
Wikipedia(e)tik
Artikulu honetan mundu osoko poliziaren gehiegikeria kasuen zerrenda bat agertzen da. Zerrenda ez da osotua eta hedabideetan edo historian nabarmendu diren kasu zenbait agertzen dira:
- 2009ko apirilaren 1ean, Iam Tomlinson hil egin zen Londresen, lanetik etxera itzultzen zelarik, polizia batek jipoitu ondoren, inguruan G20 nazio biltzarraren aurkako protestaldietan zehar.
- 2008ko maiatzaren 9an, Abdelhakim Ajimi gaztea Grassen (Frantzia) hil zen poliziak bortizki geldiarazi ondoren.
- 2005eko urriaren 27an Bouna Traoré eta Zyed Benna gaztetxoak hiltzen dira elektrokutaturik, polizien jazarpenetik ihes egin nahian. Ondorioz, matxinada bat piztu zen Frantzia osoko auzo txiroetan.
- 2005eko uztailaren 22an, Jean Charles de Menezes brasildar gaztea Londres hil zuen poliziak, buruan zazpi tiro jota, terrorista baten itxura omen zuelako.
- 1999ko otsailaren 4ean, Amadou Diallo ginear etorkin gaztea hil zuten New York hiriko lau poliziek. Guztira 41 tiro jasan zituen, nahiz eta gerora gaztea armarik gabe zegoela frogatu zen arren.
- 1991eko martxoaren 1ean, Rodney King afroamerikarrak gogor jipoitua izan zen kotxez egindako jazarpen baten ondoren. Gertakariak 1992ko Los Angeleseko matxinada piztu zuen.
- 1986ko abenduaren 6an, Malik Oussekine gaztea poliziek etxe atari batean harrapatu eta bortizki jipoitu ondoren, hil egiten da Parisen. Malik manifestazio batean izandako istiluetatik ihesi zihoan, bertan parte hartu gabe.
- 1949ko abuztuaren 18an, Kemi finlandiar hirian poliziak bi grebalari hil zituen langileen eskubideen aldeko manifestazioa batean. Ikus, sakontzeko: Kemiko Ostegun Odoltsua.
Ikus, gainera [aldatu]
 |
Artikulu hau zirriborroa da. Wikipedia lagun dezakezu edukia osatuz. |
