Potentzia

Artikulu hau kontzeptu fisikoari buruzkoa da; beste esanahietarako, ikus Potentzia (argipena).

Potentzia fisikan denbora unitate batean eginiko lan kantitatea da. Hau energiaren aldaketa abiaduraren baliokidea da. Potentzia P=W/t, denbora banako bakoitzeko egiten den lan kopuru gisa, definitzen da maizenik; alabaina, denbora banako bakoitzeko igortzen den energia kopuru gisa ere definitzen da, denbora dt tartean aldatzen bada eta energia dE kopuruan aldatzen bada: Nazioarteko Sisteman watt-etan (W) neurtzen da; W bat berdin joule/segundo bat da. CGS sisteman berriz potentzia erg/segundotan neurtzen da. Banako berezi gisa halaber zaldipotentzia (ZP) erabiltzen da (1 ZP = 735,5 watt).

$P=frac{dE}{dt}$,

non

• P potentzia
• E energia edo lana
• t denbora

Potentzia ere intentsitatea eta azaleraren arteko biderkaketa da:

P = I · A

Nazioarteko Unitate Sisteman watt da, hau da Joule bat segundoko. Potentzia neurtzeko Zaldi Potentzia ere erabiltzen da.