Pozuelo (Leotz)

Pozuelo
Nafarroa Garaia, Euskal Herria
Kokapena
Herrialdea	Nafarroa Garaia
Eskualdea	Erdialdea
Udalerria	Leotz
Administrazioa
Mota	herri hustu
Izen ofiziala	Pozuelo
Posta kodea	31395
Herritarra	pozueloar
Geografia
Koordenatuak	42°31′58″N 1°37′35″W
Garaiera	576 metro
Distantzia	37,1 km (Iruñetik)
Demografia

Pozuelo Orbaibarrako Leotz udalerriko herri hustu bat da, Euskal Herriko Nafarroa Garaia lurraldean kokatuta, Erdialdea eskualdean.

Bertako biztanleak pozueloarrak ziren.

Historia

Bakedaoko Bernaldino Uhalderi eman zioten, eta honek, ordainetan, herriak Iruñeko Dona Grazia monasterioari zor zion hamabost kahiz gari petxaren ardura hartu zuen. Uhaldek Francisco de Navarra Badajozeko apezpikuari utzi zion, eta honek 1550ean Joan Azpilkueta Zotzetzeko jaun eta Obanosko bizilagunari saldu zion. Baina 1561ean santsoaindarrak damutu egin ziren inorenganatzeaz eta Pozuelo berreskuratzen saiatu ziren, eta auzira joan ziren azken salmenta baliogabetzat jo zedin. Ez zen horrela gertatu.

XV. mendean San Lorentzo, Pozuelo eta Musker-Hiriberrirekin batera (biak jaurerriak), Leotz udalerriaren kontzeju izan ziren. Ondorengo erreforma administratiboek, gaur egungo banaketa sortu zuten, batez ere, XIX. mende erdiko erreformak.

1802an Pozuelok jaurerritzat agertzen jarraitzen zuen, Orbaibarraren barruan; orduan Azkoiengo Argaitz familiakoa zen. Handik urte gutxira, XIX. mendearen lehen erdian, jaurerrien jurisdikzioak desagertu egin ziren, eta Pozuelo Santsoaingo mugara eta jurisdikziora itzuli zen; nahiz eta jabetza 1847an Gendulaingo kondeari zegokion. Egun horretan sei arima nituen.

1930eko eta 1940ko (11 biztanle), 1950eko (6) eta 1960ko (5) populazio-izendegietan bakarrik agertzen da.

Erreferentziak

• Jose Maria Jimeno Jurio (zuzendaria), Nafarroako toponimia eta mapagintza. XXXV, Iruñea, 1996. ISBN 84-235-1505-2.

Ikus, gainera

• Leotz
• Orbaibar
• Erdialdea
• Erriberriko merindadea
• Nafarroa Garaia

Kanpo estekak

• Datuak: Q12266178