Prezioen indize

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Inflazioa zer den eta KPIa nola kalkulatzen den azaltzen dituen bideoa.

Ekonomian, prezioen indizea artikulu multzo bateko prezioen baterako bilakaera azaltzen duen zenbaki bat da. Ohikoa da, prezioak bateratzean, artikulu bakoitza kontsumitu edo ekoitzi egiten den kopuruari buruz haztatzea, artikulu bakoitzaren prezio aldaketa modu egokian islatzearren. Horretarako, estatistikaz garatutako diren prozedurak eta formulak erabiltzen dira, hala nola laginketa-prozedurak, artikulu multzo batetik jasoko diren artikuluak aukeratzeko, eta batez bestekoak, artikulu bakoitzaren prezio aldaketak bateratzeko. Prezioen indizeek aplikazio anitz dituzte ekonomian: prezioen indize ezagunena Kontsumorako Prezioen Indizea, familiek kontsumitzen dituzten ondasun eta zerbitzuen prezioen bilakaera jasotzen dituena, baina enpresa mailan ere erabil daitezke, enpresa batek erabiltzen dituen lehengaien prezioen bilakaera adierazteko.