Programazio

Wikipedia(e)tik
Hona jo: nabigazioa, Bilatu

Programazioa konputagailu-programa egokiak zelan egin behar diren aztertzen duen diziplina da. Programa egoki bat zuzena, irakurgarria eta eraginkorra izan behar da, eta bost fasetan eraikitzen da: zehaztapena, diseinua, programa idaztea, proba eta erabilera.

Programa egokiaren hiru ezaugarriak[aldatu | aldatu iturburu kodea]

Konputagailu-programak hiru ezaugarriok izan beharko ditu:

  • Zuzena: problemaren zehaztapenean kalkulatu beharko du.
  • Irakurgarria: ulertzeko erraza, antzeko problemetan erraz moldatzekoa.
  • Eraginkorra: ahal den denbora txikienean lortzen ditu emaitzak, ahal den memoriako espazio txikiena erabilita.

Programa bat eraikitzeko faseak[aldatu | aldatu iturburu kodea]

Problema bat emanda hauek dira programa bat eraikitzeko faseak:

  • Zehaztapena (edo espezifikazioa)

Ondo zehaztu zeintzuk diren edukiko ditugun datuak eta zeintzuk diren lortu beharko ditugun emaitzak. Zer dira? Zenbaki osoak? Zenbaki errealak? Hitzak? Zer propietate betetzen dituzte datuek? Eta emaitzek?

  • Diseinua (algoritmoa)

Zehaztapenak definitzen du ZER lortu behar dugun. Algoritmoak NOLA lor ditzakegun emaitzak. Algoritmoak lagunduko digu gero programako agindu-sekuentzia eraikitzen

  • Programa idaztea

Konputagailuak exekutatuko duen agindu sekuentzia da. Programazio-lengoaia bat erabili beharko da aginduak definitzeko, lengoaia horren arau sintaktikoak errespetatuz, noski.

  • Proba

Probatu behar da datuak edozein direla programak emaitza zuzenak lortuko dituela. Datuen balio esanguratsuekin proba multzo bat prestatu behar da. Eta gero kasu horietan guztietan probatu ea emaitza zuzenak lortzen diren.

  • Erabilera

Probak ondo bukatuz gero, programa prest dago erabilia izateko.

Commonsen badira fitxategi gehiago, gai hau dutenak: Programazio Aldatu lotura Wikidatan