Quentin Tarantino

Wikipedia(e)tik
Hona jo: nabigazioa, Bilatu
Quentin Tarantino
Quentin Tarantino
Datu pertsonalak
Izen osoa Quentin Jerome Tarantino
Jaio 1963ko martxoaren 27a (51 urte)
Knoxville, Tennessee (Ameriketako Estatu BatuakAmeriketako Estatu Batuak)
Lan nabarmenenak Pulp Fiction
Kill Bill
Sariak Jatorrizko gidoi onenaren Oscar Saria (1994)
IMDB IMDBko fitxa

Quentin Jerome Tarantino (Knoxville Tennessee, 1963ko martxoaren 27a -) zinema zuzendari, aktore eta gidoigile estatubatuarra da. Oscar saria eta Urrezko Palma sariak jaso ditu.

1990eko hamarkadan ospea lortu zuen bere istorio eta filmengatik. Haren estiloa argumentu eten, elkarrizketa original eta bortizkeria odoltsuan oinarritzen da. Aldi berean, ezaguna da haren maila guztietako zinemaren gaineko jakinduria entziklopedikoa.

Biografia[aldatu | aldatu iturburu kodea]

Quentin Tarantino

1963ko martxoaren 27an jaio zen Knoxvillen, Tennessee. Izena Gunsmoke telebistako telesaileko pertsonaia batetik atera zuten gurasoek, Burt Reynolds aktoreak interpretatzen zuen Quint izeneko errementariarenetik.

Bi urte zituela, ama South Bayra bizitzera joan zenean, Los Angeles hegoaldera, eta bertan bizi izan zen hogei urtez. Haren auzoan afroamerikarrak eta zuriak nonahi ziren eta zinemagintza eta kultura frankoren eraginak jaso zituen gaztaroan. Kung-Fuaren eztanda beste lekuetara zabaltzen ari zen unean, afroamerikarrak joaten ziren zine-aretoetan arte martzialek modan segitzen zuten. 70. hamarkadan, oraindik haien zalea zen.

Hamazazpi urterekin, ikasketak alboratu eta interpretazio klaseetara joaten hasi zen eta, ahal zuenean, lana ere tartekatzen zuen.

Hogeita bi urte zituenean, Video Archivesen (Manhattan Beach) maiz ibiltzen zen eta film zaharretan ikasitakoa erabilgarria izan zitzaion oso.

Roger Avary eta Jerry Martinezekin batera, Tarantinok Video Archives behin-behineko zine eskola bilakatu zuen. Interpretazio klaseetan, eszena praktikoak eskaini nahi zituen eta idazten hasi zen.

Avery eta beste kide batzuekin lan egin ondoren, Tarantinok idazten segitu zuen, zuzendari izateko grinan, baina ez ziren urte onak izan.

Reservoir Dogs[aldatu | aldatu iturburu kodea]

Reservoir Dogs

1991n, Reservoir Dogs idatzi zuen. Historia minimalista ideatu zuen: lapurreta izango zen eta gehiena plato berean gertatzekoa. 16 mm-ko filma egiteko asmoa zuen, merke-merkea eta berak eta bere lagunek paper guztiak egingo zituzten. Horretan zebilela, Lawrence Bender ekoizleak irakurri zuen gidoia eta harekin liluratuta geratu. Hilabeteko epea eskatu zion Tarantinori, egiazko filma egin nahi zuela-eta.

Benderrek Harvey Keitelen esku jarri zuen gidoia eta hura ere berehala zaletu zen istorioarekin: horrek ekoizpenaren aurrekontua ziurtatu zuen erabat. Hilabete eman zuten Los Angeleseko grabaketan eta aktore zerrenda ez zen batere makala izan: Keitel, Madsen, Steve Buscemi, Tim Roth, Lawrence Tierney, Chris Penn eta Tarantino bera.

Arrakasta itzela izan zuen Sundanceko Zinemaldian eta mundu guztira zabaldu zuten.

Ospea[aldatu | aldatu iturburu kodea]

Robert Rodriguez eta Quentin Tarantino

Bat-batean, Tarantino ospetsu egin zen eta Reservoir Dogs baino lehen idatzita zituen bi gidoiak ere di-da batean saldu zituen: True Romance eta Natural Born Killers. Azken film hori Oliver Stonek berridatzi eta zuzendu zuen 1993an.

1994an, Pulp Fiction etorri zen, John Travolta eta Uma Thurmanekin.

1997an, Jackie Brown idatzi eta zuzendu zuen. Samuel L. Jacksonek, Robert De Nirok, Bridget Fondak eta Michael Keatonek ere harekin egin zuten lan. Urrezko Globoetarako izendatuta egon zen eta SAG sarietarako ere bai.

Jackie Brown eta Kill Bill filmen ekoizpenen artean lau urte pasatu ziren eta, denbora horretan, 2009ko abuztuan estreinatu zen Inglourious Basterds idazten aritu zen.

Tarantino ez da idaztea eta zuzentzearekin konformatzen: aktore ere izan nahi du. Horrela, bere pelikuletan eta beste batzuenetan ere azaldu ohi da: Jackie Brown, Reservoir Dogs, Pulp Fiction, The Man From Hollywood, Four Rooms, From Dusk Till Dawn, Destiny Turns on the Radio, Girl 6.

Bitxikeriak[aldatu | aldatu iturburu kodea]

  • Kronologia atzekoz aurrera agertzen da maiz haren filmetan. Pulp Fiction, Reservoir Dogs edo Kill Bill-en ikus dezakegu askotan ondoren gertatuko dena lehenago eta kronologikoki geroa dena, berriz, azkarrago.
  • Maiz agertu ohi du bere filmetan mexikar aurrez-aurreko bat, hiru pertsonaiak edo gehiagok une berean batak bestea pistolaz apuntatzen.
  • Haren pertsonaiek ezizen bat izaten dute, Reservoir Dogs, Kill Bill, edo Pulp Fiction filmek erakusten duten bezala.
  • Big Kahuna Burger fikziozko jatetxea agertu ohi du film askotan.
  • Kamerak hartzen dituen angeluak ere haren estiloaren ezaugarri dira. Maiz ikusten dugu jendea ateak irekitzen edo ixten, aurpegiaren lehen planoak beste pertsonaia batek hitz egiten duen bitartean, aktoreak atzealdetik bistaratzen dira askotan, hainbat toma pertsonaiaren eskuetan hasten da...
  • Film gehienetan txertatzen duen haren beste marka bat maletero barrutik hartutako planoa da (Inglourious Basterdsen gauza bera egiten du, kamioiaren kaxan).
  • Kill Bill eta Pulp Fiction filmetan katana bera agertzen da.
  • Emakumearen oinen fetitxismoa: oinak usu bilutsik agertzen dira, baita lehen planoan ere.
  • Zippo bat (pizgailu modelo ezaguna) agertzen da haren film guztietan.
  • Iraupen luzeko tomaren bat txertatu ohi du beti.
  • Pertsonaiek Red Apple markako zigarroak erretzen dituzte, edo iragarki batean agertzen dira.
  • Playboy aldizkariari eskainitako elkarrizketa batean, Kill Bill egiten aritu ziren garaiko cannabis eta extasis kontsumoaz hitz egin zuen.
  • Ohikoak ditu erdi planoko eszenak, bi pertsonaiaren arteko elkarrizketa luzeak, noizbehinkako kolaborazioak...
  • Badirudi Video Archivesetik bezero bat ia-ia ostikoka bidali zuela.
  • Kill Bill salbu, kreditoak horiz agertzen dira film guztietan.
  • Odola erruz erabiltzen du.

Ohiko lankideak[aldatu | aldatu iturburu kodea]

Tarantinok aktore bakoitzarekin film bat baino gehiago egin ohi ditu; errepikatuena Samuel L. Jackson da. Gainera, muntaia guztiak Sally Menke-k egin ditu.

Aktorea Reservoir Dogs Pulp Fiction Jackie Brown Kill Bill Death Proof Inglourious Basterds Django Unchained
Steve Buscemi
Julie Dreyfus
Samuel L. Jackson
Harvey Keitel
Michael Madsen
Michael Parks
Eli Roth
Tim Roth
Uma Thurman
Christoph Waltz
Bruce Willis
Gidoigilea
Roger Avary
Ekoizlea
Lawrence Bender
Argazki zuzendaria
Robert Richardson
Andrzej Sekula
Muntatzailea
Sally Menke

Filmografia[aldatu | aldatu iturburu kodea]

Inglourious basterds

Zuzendaria[aldatu | aldatu iturburu kodea]

Gidoigilea[aldatu | aldatu iturburu kodea]

Aktorea[aldatu | aldatu iturburu kodea]

Ekoizlea[aldatu | aldatu iturburu kodea]

Sariak[aldatu | aldatu iturburu kodea]

Oskar[aldatu | aldatu iturburu kodea]

BAFTA[aldatu | aldatu iturburu kodea]

Cannes[aldatu | aldatu iturburu kodea]

Urrezko Globoak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Quentin Tarantino Aldatu lotura Wikidatan