Rafael (goiangerua)

Wikipedia(e)tik
Hona jo: nabigazioa, Bilatu
Bartolomé Esteban Murilloren San Rafael goiaingerua

Rafael kristautasun katolikoan eta ortodoxoan ezagutzen diren hiru goiaingeruetako bat da. Beste biak Mikel eta Gabriel goiaingeruak dira.

Izena hebreerazko רָפָאֵל (Rafa-El) izenetik dator. "Jainkoak sendatzen du" edo "Jainkoa, Hark sendatu du" esan nahi du. Gaur egun sendagile esanahia duen hebreerazko hitza rofe da, Rafael izenak duen erro berberari lotua.

Deskribapen biblikoa[aldatu | aldatu iturburu kodea]

Tobiasen liburuaren arabera, Rafael Yahveh-ek bidali zuen Tobiasi lagun egiteko, gazteari emaztegai jainkozale bat aurkitzeko egin behar zen bidaia luze eta arriskutsu batean. Emaztegai hori Sara da, zazpi senargai hiltzen ikusitakoa, Asmodeo izeneko deabru batek, emaztegaiaz maiteminduta zegoenak, eztei-gauean hiltzen baitzuen senargaia. Hasiera batean, Rafael Ananias handiaren Azarias izeneko seme gisa aurkezten da, baina bidaia amaitzean Tobiti itsutasuna sendatzen dio eta Rafael aingeru gisa aurkezten da. Bidaian, Tobiasi arrain bat arrantzatzeko argibideak ematen dizkio; aurrerago arrain horren erraiak atera eta Asmodeo deabrua uxatzeko eta aitaren itsutasuna sendatzeko erabiliko zuen. Hori dela eta, Rafael ezkongaien babesletzat hartzen da.

Rafael eta Islama[aldatu | aldatu iturburu kodea]

Islamak Azken Judizioaren data, tronpa baten soinuaz, iragartzeko ardura duen aingerutzat jotzen du. Hainbatetan, erromes-jantziarekin eta eskuan arrain handi bat duela irudikatzen da.

Commonsen badira fitxategi gehiago, gai hau dutenak: Rafael (goiangerua) Aldatu lotura Wikidatan