Ramiro de León Carpio

Wikipedia(e)tik
Ramiro De León Carpio» orritik birbideratua)
Hona jo: nabigazioa, Bilatu
Ramiro de León Carpio
Ramiro de León Carpio

Coat of arms of Guatemala.svg
Guatemalako 43. presidentea
1993ko ekainak 6 – 1996ko urtarrilak 13
Aurrekoa Gustavo Espina
Ondorengoa Álvaro Arzú

Jaiotza 1942ko urtarrilaren 12a
Guatemala Hiria, Guatemala
Heriotza 2002ko apirilaren 16a
Miami, AEB
Ezkontidea Mayra Duque
Lanbidea Abokatua, notarioa, legelaria

Ramiro de León Carpio (Guatemalako Hiria, 1942ko urtarrilaren 12aMiami, Ameriketako Estatu Batuak, 2002ko apirilaren 16a) guatemalar politikaria izan zen. 1993-1996 bitartean Guatemalako Errepublikako presidentea izan zen[1].

Bizitza[aldatu | aldatu iturburu kodea]

Guatemalako Unión del Centro Nacional alderdiaren sortzailetako bat (1983) izanik, alderdiko idazkari nagusi (1983-1986) eta Biltzar Konstituziogileko diputatu (1984-1986) aukeratu zuten. Zenbait alditan, Biltzarreko lehendakari izan zen eta, aldi berean, Giza Eskubideen prokuradore (1983-1993). Jorge Serrano Elías presidente ohiak 1993ko maiatzean Biltzarra deuseztatu eta Guatemala normaltasun konstituzionalera itzuli zenean, De León Carpio aukeratu zuen Kongresuak Guatemalako Errepublikako lehendakari, agintaldi konstituzionala osatzeko (1993-1996).

De Leónen gobernuak hainbat berrikuntza bultzatu zituen ustelkeria errotik atera eta adierazpen askatasuna bermatzeko. Bill Clinton Estatu Batuetako presidenteak eta Erdialdeko Amerikako presidenteek sinatu zuten Garapen Iraunkorraren Hitzarmenean ere parte hartu zuen 1994ko abenduan. 1996ko urtarrilean, agintaldia bukatu zenean, Álvaro Arzú lehendakariari eman zion aginpidea.

2002ko apirilaren 16an hil zen Miamin.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Ramiro de León Carpio