Real Club Recreativo de Huelva

Wikipedia, Entziklopedia askea
Recreativo de Huelva
Ezizena(k)Recre, Dekano
Sorrera1889
Futbol zelaiaNuevo Colombino
edukiera: 20.161 lagun
inaugurazioa: 2001
PresidenteaEspainia Manuel Zambrano
EntrenatzaileaEspainia Claudio Barragán
Liga1. maila RFEF
2022-232. maila RFEF, 2.a (igo)
WebguneaWebgune ofiziala
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
Fitxategi:EscudoRecreHuelva.svg

Real Club Recreativo de Huelva 1889an sortutako Huelvako futbol taldea da, lehen mailan jokatu izan duena. Espainiako futbol talde zaharrena dela-eta dekano izenarekin ezaguna da.

Historia[aldatu | aldatu iturburu kodea]

Sorrera eta hasierako urteak[aldatu | aldatu iturburu kodea]

Rio Tintoko meatzari ingelesek bazeramaten urte batzuk futbolean jokatzen eta 1884ean bertako Club Inglés taldeak Huelva hirian Sociedad de Juego de Pelota sortzea erabaki zuen, Club Inglésen menpe egongo zena. Hurrengo urteetan Sociedad de Juego de Pelota Recreation Club edo "Club de Recreo" izenaz ezagutu zen eta ofizialki 1889ean Charles Adams eskoziarrak eta Dr. Alexander Mackay zaldun ingelesak Huelva Recreation Club eratu zuen. Taldeak hasieran cricket eta futbol partidak antolatzen zituen kaira iristen ziren itsasontzi ingelesetako marinelen aurka, bai eta Club Inglés de Gibraltar edo Club Inglés de Sevilla bezalako taldeen aurka ere. Garai hartan jokalari ingelesak nagusi baziren ere huelvatar batzuek ere osatzen zuten taldea.

Huelva Recreation Club, 1906an

1893an El Velodromo estadioa eraiki zuten Rio Tintoko Meagintza Konpainiak utzitako lurretan. Bertan futbola jokatzeaz gain cricket, golf eta txirrindularitza lasterketak ere egiten ziren. Hala ere urteak aurrera egin ahala futbolaren nagusituz joan zen eta klubaren bazkideak ere nabarmen igo zirenez Velodromoaren ondoan futbol zelai berria eraikitzea erabaki zen 1903an.

1906an Espainiako Txapelketan parte hartzen zuen lehen talde andaluziarra izan zen, baina gauzak ez zitzaizkion ongi joan Madrid F.C. eta Bilboko Athletic Cluben aurka jokaturiko partidak galdu baitzituen. Hurrengo hamarkadan Andaluziako txapelketetan aritu zen 1915ean Seamen's Institute Kopa irabaziz eta 1918an Andaluziako Kopa bera. 1920an Lisboako Sporting taldeari irabaztean talde portugaldar baten aurka garaipena lortzen zuen lehen talde espainiarra bihurtu zen.

Espainiako liga 1928an hasi zen eta hasierako hamarkadetan Recreativok behe mailak ezagutu zituen. 1940an Bigarren mailara igo bazen ere urte bakarra egin zuen bertan. Frankismoaren debekuak zirela eta 1940 eta 1945 artean taldearen izena Recreativo Onuba izan zen.

Lehen mailarako igoera[aldatu | aldatu iturburu kodea]

Recreativok lehen mailan jokatu arte, anitz urte pasa behar izan ziren, baina 1978an iritsi ziren. Víctor Espárrago, Enrique Lora, Isabelo Ramírez eta Poli Rincón ziren, besteak beste, talde hartako jokalariak. Lehenengo jardunaldian liderra izan zen baina denboraldiaren amaieran maila galdu zuen.

Krisialdi ekonomikoa[aldatu | aldatu iturburu kodea]

Hurrengo urteak bigarren mailan egin zituen. 1989an taldea indartu egin zen, klubaren mendeurrena berriz ere Lehen mailan ospatzeko asmoaz, baina gauzak gaizki joan zitzaizkion eta azkenean 2.B mailara jaitsi zen. 1.000 milioi pezetako zorra egin zuen, gainera, eta kluba desagertzeko zorian egon zen.

1999an Pedro Rodríguez Huelvako alkateak udaletxean bilera berezia egin zuen, taldea salbatzeko asmoaz. Lehenik eta behin, Colombino estadioa saltzea erabaki zen eta ondoren taldea Kirol Elkarte Anonimo bihurtu zen. Horrela, klubaren ekonomia hobetu zen. 2000 urtean, 2.B mailan ari zela, Lucas Alcaraz entrenatzailea fitxatu zuen taldeak. Berri onak berehala iritsi ziren:e abuztuaren 31n, C.P. Mérida eta C.D. Logroñés mailaz jaitsi ziren, diru arazoak zirela kausa, eta Recreativok haien tokia hartu zuen bigarren mailan. 2001ean, gaur egungo Nuevo Colombino estadioa inauguratu zuen eta hurrengo urtean berriz Lehen mailara igo zen.

Lehen mailan[aldatu | aldatu iturburu kodea]

Nuevo Colombino futbol zelaia.

2002ko urte hura oso ona izan zen, Europako postuen inguruan ibili baitzen lehenengo itzulian eta azkenean maila galdu zuen arren, Kopan finalera iristea lortu zuen. Bertan RCD Mallorca nagusitu zitzaion 3-0ko emaitzaz.

2006an berriz igo zen Lehen mailara eta hiru denboraldi egin zituen bertan. Urterik onena lehenengoa izan zuen, 8. amaitu baitzuen.

Azken urteak[aldatu | aldatu iturburu kodea]

2009tik aurrera, Bigarren mailan aritu zen, baina 2014-15 denboraldian 20. eginik, maila galdu zuen. 2018-19an denboraldi bikaina osatu zuen, 22 partida jarraian galdu gabe eta bigarren B mailako Zamora trofeoa eskuratu zuen, taldeko txapelduna izan baitzen. Kanporaketetan, ordea, ez zuen mailaz igotzerik lortu. 2020-21ean Liga sistemaren birrantolaketa gertatu zenean 3. maila RFEF-n kokatu zen (5. mailan).

Jantzia[aldatu | aldatu iturburu kodea]

Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
2010-2011
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
2014-2015
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
2015-2017
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
2017-2018
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
2018-2019

Datuak[aldatu | aldatu iturburu kodea]

2023-24 barne:

  • Denboraldiak 1. mailan: 8
  • Denboraldiak 2. mailan: 38
  • Denboraldiak 2. B mailan: 14
  • Denboraldiak Lehen maila RFEFn: 1
  • Denboraldiak Bigarren maila RFEFn: 1
  • Denboraldiak 3. mailan: 23
  • Denboraldiak Hirugarren maila RFEFn: 1
  • Ligako posturik onena: 8.a Lehen mailan (2006-07 denboraldian)

Azken urteetako ibilbidea[aldatu | aldatu iturburu kodea]

Denboraldia # Maila Emaitza Kopa
2001-02 2 Bigarren maila 3.a 1/16
2002-03 1 Lehen maila 18.a FINALA (2.a)
2003-04 2 Bigarren maila 6.a 2. itzulia
2004-05 2 Bigarren maila 5.a 1/16
2005-06 2 Bigarren maila 1.a 2. itzulia
2006-07 1 Lehen maila 8.a 1/32
2007-08 1 Lehen maila 16.a 1/16
2008-09 1 Lehen maila 20.a 1/32
2009-10 2 Bigarren maila 9.a 1/16
2010-11 2 Bigarren maila 12.a 2. itzulia
2011-12 2 Bigarren maila 17.a 2. itzulia
2012-13 2 Bigarren maila 13.a 2. itzulia
2013-14 2 Bigarren maila 8.a 1/32
2014-15 2 Bigarren maila 20.a 3. itzulia
2015-16 3 Bigarren B maila 13.a 1. itzulia
2016-17 3 Bigarren B maila 12.a -
2017-18 3 Bigarren B maila 15.a -
2018-19 3 Bigarren B maila 1.a -
2019-20 3 Bigarren B maila 13.a 1/16
2020-21 3 Bigarren B maila 8.a/6.a -
2021-22 5 3. maila RFEF 1.a (igo) -
2022-23 4 2. maila RFEF 2.a (igo) 1. itzulia
2023-24 3 Lehen maila RFEF 1. itzulia

Irabazitako txapelketak[aldatu | aldatu iturburu kodea]

Seamen's Institute Kopa

Espainiako txapelketak: 1[aldatu | aldatu iturburu kodea]

zortzigarren 2006-06 denboraldian

2005-06

finalista 2002-03an.

Andaluziako txapelketak: 2[aldatu | aldatu iturburu kodea]

1918

  • Seamen's Institute Kopa: 1

1915

Lagunartekoak[aldatu | aldatu iturburu kodea]

1965, 1967, 1977, 1979, 1986, 1987, 1998, 2000, 2003, 2004, 2008, 2010, 2016, 2017.

Colombino Trofeoa[aldatu | aldatu iturburu kodea]

Recreativok 1965etik aurrera Colombino Trofeoa antolatzen du. Udan jokatzen diren txapelketen artean, zaharrenetakoa da. Irabazleak zilarrezko karabela bat eramaten du opari. Recreativok berak gehien irabazi du, 13 aldiz, eta Atlético Madril bigarrena da, sei garaipenekin

Kanpo estekak[aldatu | aldatu iturburu kodea]