Real Madril

Real Madrid C.F.

Ezizena(k)	Merengeak
Sorrera	1902
Futbol zelaia	Santiago Bernabeu (Edukiera: 80.354)
Presidentea	Florentino Pérez
Entrenatzailea	José Mourinho
Liga	La Liga
2011/12	La Liga, 1.
Webgunea	Webgune ofiziala
Etxeko koloreak 　 Kanpoko koloreak

Real Madril (gaztelaniaz Real Madrid) Madrilgo kirol elkartea da, batik bat futbol arloarengatik ezaguna. Izan ere, FIFAk XX. mendeko klub hoberena izendatu zuen. Txapeldunen Liga 9 aldiz eta Espainiako liga 32 aldiz irabazi ditu, momentuz inork berdindu ezin dituen markak.

Goitizenak

Taldearen goitizen zaharrenak "los merengues" (merengeak) edo "los blancos" (zuriak) izan dira, uniformeko kolore txuria dela eta. 1970eko hamarkadan, halere, "los vikingos" (bikingoak) izenak ospea lortu zuen, batez ere Ultras Sur-eko zaleen artean, Europako iparraldeko jokalariak hartzeko ohiturarengatik.

Azken boladan, batez ere Florentino Perez klubeko agintean zegoelarik, "los galácticos" (galaxiakoak) ezizena arrakastatsu bihurtu da, nazioarteko izarrak baino ez baitzuten fitxatzen.

Historia

Sorrera

Institución Libre de Enseñanzako ikasle batzuek 1897an Foot Ball Sky taldea sortu zuten, Madrilgo lehenengo futbol taldea izan zena. 1901ean bertako jokalari batzuek Juan Padrós eta Carlos Padrós anai katalanen proiektu berri batean parte hartuko zuten Madrid Foot Ball Club taldea sortuz. Hau 1902ko martxoaren 6an izan zen. Lehenengo uirte hartakoa du lehenengo garaipena ere, Copa de la Gran Peña txapelketa hain zuzen ere. 1904ean FIFAren sortzaileetako bat izan zen. 1905 eta 1908 arteko lau Kopak jarraian irabazi zituen.

Gerra aurreko garaiak

Hurrengo kopa ordea ez zen 1917 arte iritsi. 1920an Alfontso XIII.a Espainiakoak Errege titulua eman zion eta ordutik aurrera Real Madrid izenaz ezagutu izan da. Hala ere kirol emaitzak ez ziren onak izan eta 1932 arte itxaron behar izan zuen sortu berria zen Liga irabazteko. Kopa ere 1934ean irabazi zuen berriz.

Santiago Bernabeu

Bernabeu eta Di Stefano

Gerra izan zen bitartean ez zen futbol txapelketarik izan. Gerra bukatzean ordea taldeko jokalari onenak zirenak falta zituenez kanpoko jokalariak fitxatu zituen. 1943an Santiago Bernabeu jokalari eta entrenatzaile-ohia presidente izendatua izan zen. 1946 eta 1947ko Kopak irabazi zituen baina 1948an ia bigarren mailara jeitsi zen.

1952ko martxoaren 6an taldearen 50. urteurrena ospatzeko Millonarios Fútbol Club talde Kolonbiarraren aurkako partidua antolatu zen. Madrildarrek galdu egin zuten baina talde kolonbiarreko izarra zen Alfredo Di Stefano argentinarra fitxatu zuten hurrengo denboraldirako. Francisco Gento kantabriarra ere ekarri zuten Racing de Santander taldetik. Orduan hasi zen Real Madrilen "urrezko aroa". 50 eta 60 hamarkadan Espainiako 12 Liga eta 2 Kopa irabazteaz gain sei aldiz irabazi zuen Europako Kopa eta baita Kontinente arteko lehenengo Futbol Kopa ere. Europako lehen bost kopak jarraian irabazi zituenez Kopa bereganatu zuen.

70. hamarkadan ere tituluak irabazten jarraitu zuen, baina Espainiako txapelketatan bakarrik. Horrela 6 Liga berri eta 3 Kopa jaso zituen, 1980 bitartean.

La quinta del Buitre

80. hamarkada euskal taldeen nagusitasunarekin hasi zen. 1984ean bigarren taldea zen Castilla C.F.-k Bigarren Mailako txapelketa irabazi zuen. Bertan jokatzen zuen jokalari belaunaldiari "La quinta del Buitre" ezizena eman zitzaion, Emilio Butragueño baitzen guztien buru. Belaunaldi berri honi Hugo Sanchez mexikarra gehitu eta 1985-86 denboraldian hasita bost liga jarraian irabazi zituen. Madrildarren nahia belaunaldi honekin Europako Kopa berriz irabaztea bazen ere, ez zuten halakorik lortu. Hala ere UEFA Kopa bi eraman zituzten.

Galaktikoak

90. hamarkadaren bukaera aldean aldaketa handiak izan ziren plantilan eta 1997-98 denboraldian azkenik lortu zuten Europako Kopa irabaztea Jupp Heynckes entrenatzaile zela. Hurrengo urtean bigarren Kontinente arteko Kopa irabazi zuen eta 2000 urtean berriz ere Europako Kopa, oraingoan Vicente del Bosque zen entrenatzailea.

2000ko uztailaren 16an Florentino Perez presidente hautatu zuten eta honek fitxaje handiak egin zituen: Zidane, Figo, Ronaldo eta Beckham "lau galaktikoak" ezizenaz bataiatu ziren. Hauekin batera etxekoak ziren Raul, Guti eta Iker Casillas bezalako jokalariak zeuden. Hauek ere lortu zuten bederatzigarren Europako Kopa, bai eta hirugarren Kontinente arteko Kopa ere.

2006tik aurrera ordea Bartzelona nagusituz joan zitzaion eta honi aurre egiteko Florentino Perezek berriz hauteskundeak irabazi eta bigarren garai galaktikoa abiarazi zuen, oraingoan Cristiano Ronaldo izanik izar nagusia eta José Mourinho entrenatzailea. Bi taldeen arteko fitxaketa lehia horrek Espainiako Ligako beste taldeekiko diferentzia izugarriak egotea ekarri du.

Hiru urtetan Bartzelonaren atzetik bigarren izan ondoren 2011-12 denboraldian liga irabaztea lortu du, gainera puntuen errekorra ezarriz, 100 puntutara iritsi baita.

Irabazitako txapelketak

Espainiako txapelketak: 60

• Espainiako futbol ligako lehen maila: 32

1931/32, 1932/33, 1953/1954, 1954/1955, 1956/1957, 1957/1958, 1960/61, 1961/62, 1962/63, 1963/64, 1964/65, 1966/67, 1967/68, 1968/69, 1971/72, 1974/75, 1975/76, 1977/78, 1978/79, 1979/80, 1985/86, 1986/87, 1987/88, 1988/89, 1989/90, 1994/95, 1996/97, 2000/01, 2002/03, 2006/07, 2007/08 eta 2011/12

• Espainiako Futbol Errege Kopa: 18

1905, 1906, 1907, 1908, 1917, 1934, 1936, 1946, 1947, 1962, 1970, 1974, 1975, 1980, 1982, 1989, 1993, 2011

• Espainiako Superkopa: 9

1988, 1989, 1990, 1993, 1997, 2001, 2003, 2008, 2012

• Ligako Kopa: 1

1985

• Eva Duarte Kopa: 1

1947

Nazioarteko txapelketak: 18

• Kontinente arteko Futbol Kopa: 3

1960, 1998, 2002

• Txapeldunen liga: 9

1955/56, 1956/57, 1957/58, 1958/59, 1959/60, 1965/66, 1997/98, 1999/00, 2001/02

• Europako Errekopa: 0

finalista 1971 eta 1983an

• Europako Superkopa: 1

2002

• UEFA Kopa: 2

1984/85, 1985/86

• latindar Kopa: 2

1953, 1955

• Iberoamerikar Kopa: 1

1994

2010/2011 denboraldiko taldekideak

Zenbakia	Izena	Nazionalitate
Atezainak
1	Iker Casillas	Espainia
13	Adán	Espainia
25	Jerzy Dudek	Polonia
Atzelariak
3	Pepe	Portugal
4	Sergio Ramos	Espainia
19	Garay	Argentina
12	Marcelo	Brasil
15	Mateos	Espainia
2	Carvalho	Portugal
18	Albiol	Espainia
17	Arbeloa	Espainia
Erdilariak
6	Mahamadou Diarra	Mali
10	Lassana Diarra	Frantzia
16	Canales	Espainia
23	Mesut Özil	Alemania
22	Di Maria	Argentina
5	Gago	Argentina
8	Kaká	Brasil
11	Granero	Espainia
21	Pedro León	Espainia
24	Khedira	Alemania
14	Xabi Alonso	Euskal Herria
Aurrelariak
20	Gonzalo Higuaín	Argentina Frantzia
9	Benzema	Frantzia
7	Cristiano Ronaldo	Portugal

Beste sekzioak

• Real Madrid (saskibaloia).
• Beste batzuk.

Harrobia

• Real Madrid Castilla (Real Madrid B)

Ereserkia

De las glorias deportivas,

que campean por España,

va el Madrid con su bandera,

limpia y blanca que no empaña.

Club castizo y generoso,

todo nervio y corazón.

Veteranos y noveles,

veteranos y noveles,

miran siempre tus laureles

con respeto y emoción.

¡Hala Madrid!, ¡Hala Madrid!

Noble y bélico adalid,

caballero del honor.

¡Hala Madrid!, ¡Hala Madrid!

A triunfar en buena lid,

defendiendo tu color.

¡Hala Madrid!, ¡Hala Madrid!, Hala Madrid!

Enemigo en la contienda,

cuando pierde da la mano

sin envidias ni rencores,

como bueno y fiel hermano.

Los domingos por la tarde,

caminando a Chamartín,

las mocitas madrileñas,

las mocitas madrileñas

van alegres y risueñas

porque hoy juega su Madrid.

¡Hala Madrid!, ¡Hala Madrid!

Noble y bélico adalid,

caballero del honor.

¡Hala Madrid!, ¡Hala Madrid!

A triunfar en buena lid,

defendiendo tu color.

¡Hala Madrid!, ¡Hala Madrid!, ¡Hala Madrid!