Real Madril
Ezizena(k) | Merengeak | ||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Sorrera | 1902 | ||||||||||||||||||||||||||||||||||||||||||||||||
Futbol zelaia | Santiago Bernabeu edukiera: 80.354 lagun inaugurazioa: 1947 | ||||||||||||||||||||||||||||||||||||||||||||||||
Presidentea | Florentino Pérez | ||||||||||||||||||||||||||||||||||||||||||||||||
Entrenatzailea | Zinedine Zidane | ||||||||||||||||||||||||||||||||||||||||||||||||
Liga | La Liga | ||||||||||||||||||||||||||||||||||||||||||||||||
2015-16 | Lehen maila, 2.a | ||||||||||||||||||||||||||||||||||||||||||||||||
Webgunea | Webgune ofiziala | ||||||||||||||||||||||||||||||||||||||||||||||||
|
Real Madril (gaztelaniaz: Real Madrid) Madrilgo kirol elkarte bat da, batik bat futbol arloarengatik ezaguna. Izan ere, FIFAk XX. mendeko klub hoberena izendatu zuen. Txapeldunen Liga 10 aldiz eta Espainiako liga 32 aldiz irabazi dituelarik, bi txapelketetan Real Madrilek ditu titulu gehien, alde handiz.
Goitizenak
Taldearen goitizen zaharrenak los merengues (merengeak) edo los blancos (zuriak) izan dira, uniformeko kolore zuria dela eta. 1970eko hamarkadan, halere, los vikingos (bikingoak) izenak ospea lortu zuen, batez ere Ultras Sur taldeko zaleen artean, Europako iparraldeko jokalariak hartzeko ohiturarengatik.
Azken boladan, batez ere Florentino Perez klubeko agintean zegoelarik, los galácticos (galaktikoak) ezizena arrakastatsu bihurtu da, nazioarteko izarrak baino ez baitzituzten fitxatzen.
Historia
Sorrera
Institución Libre de Enseñanzako ikasle batzuek 1897an Foot Ball Sky taldea sortu zuten, Madrilgo lehenengo futbol taldea izan zena. 1901ean bertako jokalari batzuek Juan Padrós eta Carlos Padrós anai katalanen proiektu berri batean parte hartuko zuten Madrid Foot Ball Club taldea sortuz. Hau 1902ko martxoaren 6an izan zen. Lehenengo urte hartakoa du lehenengo garaipena ere, Copa de la Gran Peña txapelketa hain zuzen ere. 1904ean FIFAren sortzaileetako bat izan zen. 1905 eta 1908 arteko lau Kopak jarraian irabazi zituen.
Gerra aurreko garaiak
Hurrengo kopa ordea ez zen 1917 arte iritsi. 1920an Alfontso XIII.a Espainiakoak Errege titulua eman zion eta ordutik aurrera Real Madrid izenaz ezagutu izan da. Hala ere kirol emaitzak ez ziren onak izan eta 1932 arte itxaron behar izan zuen sortu berria zen Liga irabazteko. Kopa ere 1934ean irabazi zuen berriz.
Bernabeu eta Di Stefano
Gerra izan zen bitartean ez zen futbol txapelketarik izan. Gerra bukatzean ordea taldeko jokalari onenak zirenak falta zituenez kanpoko jokalariak fitxatu zituen. 1943an Santiago Bernabeu jokalari eta entrenatzaile ohia presidente izendatua izan zen. 1946 eta 1947ko Kopak irabazi zituen baina 1948an ia bigarren mailara jaitsi zen.
1952ko martxoaren 6an taldearen 50. urteurrena ospatzeko, Kolonbiako Millonarios Fútbol Club taldearen aurkako partidua antolatu zen. Madrildarrek galdu egin zuten baina talde kolonbiarreko izarra zen Alfredo Di Stefano argentinarra fitxatu zuten hurrengo denboraldirako. Francisco Gento kantabriarra ere ekarri zuten Racing de Santander taldetik. Orduan hasi zen Real Madrilen "urrezko aroa". 1950 eta 1960ko hamarkadetan Espainiako 12 liga eta 2 kopa irabazteaz gain, sei aldiz irabazi zuen Europako Kopa, bai eta Kontinente arteko lehenengo Futbol Kopa ere. Europako lehen bost kopa tituluak jarraian irabazi zituenez, koparen beraren jabetza (garaikurrarena, alegia) bereganatu zuen.
1970eko hamarkadan ere tituluak irabazten jarraitu zuen, baina Espainiako txapelketatan bakarrik. Horrela, beste 6 liga eta 3 kopa jaso zituen, 1980ra bitartean.
La quinta del Buitre
1980ko hamarkada euskal taldeen nagusitasunarekin hasi zen. 1984ean bigarren taldea zen Castilla C.F.-k Bigarren Mailako txapelketa irabazi zuen. Bertan jokatzen zuen jokalari belaunaldiari la quinta del Buitre ezizena eman zitzaion, Emilio Butragueño baitzen guztien buru. Belaunaldi berri hari Hugo Sanchez mexikarra gehitu eta 1985/1986 denboraldian hasita bost liga jarraian irabazi zituen. Madrildarren nahia belaunaldi honekin Europako Kopa berriz irabaztea bazen ere, ez zuten halakorik lortu. Hala ere UEFA Kopa bi eraman zituzten.
Galaktikoak
1990eko hamarkadaren bukaera aldean aldaketa handiak izan ziren plantilan eta 1997-98 denboraldian azkenik lortu zuten Europako Kopa irabaztea Jupp Heynckes entrenatzaile zela. Hurrengo urtean bigarren Kontinente arteko Kopa irabazi zuen eta 2000 urtean berriz ere Europako Kopa, oraingoan Vicente del Bosque zen entrenatzailea.
2000ko uztailaren 16an Florentino Perez presidente hautatu zuten eta honek fitxaje handiak egin zituen: Zidane, Figo, Ronaldo eta Beckham "lau galaktikoak" ezizenaz bataiatu ziren. Hauekin batera etxekoak ziren Raul, Guti eta Iker Casillas bezalako jokalariak zeuden. Hauek ere lortu zuten bederatzigarren Europako Kopa, bai eta hirugarren Kontinente arteko Kopa ere.
2006tik aurrera ordea Bartzelona nagusituz joan zitzaion eta honi aurre egiteko Florentino Perezek berriz hauteskundeak irabazi eta bigarren garai galaktikoa abiarazi zuen, oraingoan Cristiano Ronaldo izanik izar nagusia eta José Mourinho entrenatzailea. Bi taldeen arteko fitxaketa lehia horrek Espainiako Ligako beste taldeekiko diferentzia izugarriak egotea ekarri zuen. Hiru urtetan Bartzelonaren atzetik bigarren izan ondoren 2011-12 denboraldian liga irabaztea lortu zuen, gainera puntuen errekorra ezarriz, 100 puntutara iritsi baitzen. Hau izan zen Mourinhoren garaipen bakarra, ez baitzuen Txapeldunen Liga irabazterik lortu, bi aldiz finalerdietara iritsi arren. 2012-13 denboraldia bereziki txarra izan zen eta ez zuen titulu bakar bat eskuratu.
2013-14 urtea bikaina izan da, Ligan 3. egin arren, Errege Kopa eta Txapeldunen Liga irabazi baititu[1]. Urtea borobiltzeko bere aurreneko Kluben arteko Munduko Kopa irabazi du. 2015 urtea aldiz eskasa, ez baitu ez Ligarik ez Koparik eskuratu eta Txapeldunen Ligako final erdietan Juventusek kanporatu baitu. Jaso duen sari bakarra Cristiano Ronaldoren Pichichi saria izan da.
2015-16 denboraldia makal hasi zuen. Kopatik lehenengo kanporaketan izandako akats administratiboak bota zuen eta liga erdialdera liderretik 12 puntutara ere egon zen, baina bukaeran errekuperatu eta Liga irabaztear egon da, eta hori gutxi balitz Txapeldunen Liga irabaztea lortu du hamaikagarren aldiz, aurrekoan bezela Atlético Madrilen aurka.
Jokalariak
2014ko irailaren 4an[2]
|
|
Utziak
|
Irabazitako txapelketak
Espainiako txapelketak: 60
1931/32, 1932/33, 1953/1954, 1954/1955, 1956/1957, 1957/1958, 1960/61, 1961/62, 1962/63, 1963/64, 1964/65, 1966/67, 1967/68, 1968/69, 1971/72, 1974/75, 1975/76, 1977/78, 1978/79, 1979/80, 1985/86, 1986/87, 1987/88, 1988/89, 1989/90, 1994/95, 1996/97, 2000/01, 2002/03, 2006/07, 2007/08 eta 2011/12
1905, 1906, 1907, 1908, 1917, 1934, 1936, 1946, 1947, 1962, 1970, 1974, 1975, 1980, 1982, 1989, 1993, 2011, 2014
1988, 1989, 1990, 1993, 1997, 2001, 2003, 2008, 2012
- Ligako Kopa: 1
1985
1947
Nazioarteko txapelketak: 24
1960, 1998, 2002
2014
- Txapeldunen liga: 11
1955/56, 1956/57, 1957/58, 1958/59, 1959/60, 1965/66, 1997/98, 1999/00, 2001/02, 2013/14, 2015/16
finalista 1971 eta 1983an
2002, 2014
- UEFA Kopa: 2
1984/85, 1985/86
1953, 1955
1952, 1956
1994
Lagunartekoak
1949, 1953, 1966, 1976, 1978, 1979, 1980, 1994, 2013
1970, 1984, 1989
1958, 1959, 1960, 1966, 1970, 1982
Azken urteetako ibilbidea
Urtea | Espainiako Liga | Errege Kopa | Esp. Superkopa | Europa | Eur. Superkopa | Mundua |
---|---|---|---|---|---|---|
1999-2000 | 5.a | 1/2 | 1.a (Txapeldunen Liga) | 2.a | ||
2000-01 | 1.a | 1/32 | 1.a | 1/2 (Txapeldunen Liga) | 2.a | |
2001-02 | 3.a | 2.a | 1.a (Txapeldunen Liga) | 1.a | ||
2002-03 | 1.a | 1/4 | 1.a | 1/2 (Txapeldunen Liga) | 1.a | |
2003-04 | 4.a | 2.a | 1/4 (Txapeldunen Liga) | |||
2004-05 | 2.a | 1/8 | 1/8 (Txapeldunen Liga) | |||
2005-06 | 2.a | 1/2 | 1/8 (Txapeldunen Liga) | |||
2006-07 | 1.a | 1/8 | 2.a | 1/8 (Txapeldunen Liga) | ||
2007-08 | 1.a | 1/8 | 1.a | 1/8 (Txapeldunen Liga) | ||
2008-09 | 2.a | 1/16 | 1/8 (Txapeldunen Liga) | |||
2009-10 | 2.a | 1/16 | 1/8 (Txapeldunen Liga) | |||
2010-11 | 2.a | 1.a | 2.a | 1/2 (Txapeldunen Liga) | ||
2011-12 | 1.a | 1/4 | 1.a | 1/2 (Txapeldunen Liga) | ||
2012-13 | 2.a | 2.a | 1/2 (Txapeldunen Liga) | |||
2013-14 | 3.a | 1.a | 2.a | 1.a (Txapeldunen Liga) | 1.a | |
2014-15 | 2.a | 1/8 | 1/2 (Txapeldunen Liga) | 1.a | ||
2015-16 | 2.a | 1/16 | 1.a (Txapeldunen Liga) | 1.a |
Beste sekzioak
- Real Madrid (saskibaloia).
- Beste batzuk.
Harrobia
Ereserkia
- De las glorias deportivas,
- que campean por España,
- va el Madrid con su bandera,
- limpia y blanca que no empaña.
- Club castizo y generoso,
- todo nervio y corazón.
- Veteranos y noveles,
- veteranos y noveles,
- miran siempre tus laureles
- con respeto y emoción.
- ¡Hala Madrid!, ¡Hala Madrid!
- Noble y bélico adalid,
- caballero del honor.
- ¡Hala Madrid!, ¡Hala Madrid!
- A triunfar en buena lid,
- defendiendo tu color.
- ¡Hala Madrid!, ¡Hala Madrid!, Hala Madrid!
- Enemigo en la contienda,
- cuando pierde da la mano
- sin envidias ni rencores,
- como bueno y fiel hermano.
- Los domingos por la tarde,
- caminando a Chamartín,
- las mocitas madrileñas,
- las mocitas madrileñas
- van alegres y risueñas
- porque hoy juega su Madrid.
- ¡Hala Madrid!, ¡Hala Madrid!
- Noble y bélico adalid,
- caballero del honor.
- ¡Hala Madrid!, ¡Hala Madrid!
- A triunfar en buena lid,
- defendiendo tu color.
- ¡Hala Madrid!, ¡Hala Madrid!, ¡Hala Madrid!
Erreferentziak
- ↑ Leire ETXEZARRA: «Real Madrilek irabazi du Txapeldunen Liga, partida iraulita» Eitb.com
- ↑ Real Madrid Primer equipo (Plantilla). 2014.09.04
Kanpo loturak
- (Gaztelaniaz) Webgune ofiziala
Wikimedia Commonsen badira fitxategi gehiago, gai hau dutenak: Real Madril |
2023-24 denboraldiko Espainiako Futbol Ligako Lehen Mailako taldeak | |
---|---|
Alavés | Almería | Athletic | Atlético Madril | Bartzelona | Betis | Cádiz | Celta Vigo | Getafe | Girona | Granada Las Palmas | Mallorca | Osasuna | Rayo Vallecano | Real Madril | Real Sociedad | Sevilla | Valentzia | Villarreal |