Richard Fleischer

Richard O. Fleischer (New York, AEB, 1916ko abenduaren 8a - Los Angeles, Kalifornia, AEB, 2006ko martxoaren 25a) estatubatuar zinema-zuzendaria izan zen.

Biografia

Max Fleischer marrazki bizidunen egile eta zinema-ekoizle ospetsuaren semea zen. Aitak, besteak beste, Popeye eta Betty Boop pertsonaiak sortu zituen.

Richard Medikuntza ikasten hasi zen, baina gero Yaleko Arte Dramatikoko Eskolan sartu zen. Antzerki-munduan murgiltzen hasi zen, eta 1937an The Arena Players antzerki-talde abangoardiazalea sortu eta zuzendu zuen. 1940ko hamarkadan dokumentalak egiteari ekin zion. Garai horretakoak dira zinemaren aitzindariei buruzko Flicker flashbacks film antologikoak (1942-1946).

1946an lehen film luzea zuzendu zuen, Child of Divorce. Horren ondoren, Design for Death dokumentala egin zuen Ozeano Bareko gerran oinarrituta, eta Oscar bat lortu zuen lan horrekin. Horren ondorioz, Stanley Kramerrek So This is New York filma ekoitzi zion, eta horrekin zinema-zuzendari gisa onartua izatea lortu zuen. Garai horretan Walt Disney eta Darryl Zanukekin ere lan egin zuen.

Film ezagunenen artean ditu: "20.000 Legoako bidaia itsaspean" (1954), "Trapezio gorriko neska" (1955), "Bidelapurra" (1956); "Bikingoak" (1958), "Barrabas" (1962), "Bidaia Harrigarria" (1966), "The Boston Strangler (1968, "Bostongo Itotzailea"), "Soylent Green" (1973), Tora! Tora! Tora!" (1970), "Mandingo" (1975) eta "Jazz abeslaria" (1980).

Filmografia

• This is America (1943)
• Memo for Joe (1944)
• Child of Divorce (1946)
• Design for Death (1947)
• Banjo (1947)
• Bodyguard (1948)
• So This Is New York (1948)
• Trapped (1949)
• Make Mine Laughs (1949)
• Follow Me Quietly (1949)
• The Clay Pigeon (1949)
• Armored Car Robbery (1950)
• His Kind of Woman (1951)
• The Narrow Margin (1952)
• The Happy Time (1952)
• Arena (1953)
• 20,000 Leagues Under the Sea (1954)
• Violent Saturday (1955)
• The Girl in the Red Velvet Swing (1955)
• Bandido (1956)
• Between Heaven and Hell (1956)
• The Vikings (1958)
• These Thousand Hills (1959)
• Compulsion (1959)
• Crack in the Mirror (1960)
• The Big Gamble (1961)

• Barabbas (1961)
• Fantastic Voyage (1966)
• Doctor Dolittle (1967)
• Think 20th (1967)
• The Boston Strangler (1968)
• Che! (1969)
• Tora! Tora! Tora! (1970)
• See No Evil (1971)
• The Last Run (1971)
• 10 Rillington Place (1971)
• The New Centurions (1972)
• Soylent Green (1973)
• The Don Is Dead (1973)
• Mr. Majestyk (1974)
• The Spikes Gang (1974)
• Mandingo (1975)
• The Incredible Sarah (1976)
• Crossed Swords (1977)
• Ashanti (1979)
• The Jazz Singer (1980)
• Tough Enough (1982)
• Amityville 3-D (1983)
• Conan the Destroyer (1984)
• Red Sonja (1985)
• Million Dollar Mystery (1987)
• Call From Space (1989)