Richard Widmark

Wikipedia(e)tik
Hona jo: nabigazioa, Bilatu
Richard Widmark.

Estatu Batuetako antzezlea (Sunrise, Minnesota, 1914ko abenduaren 26a - Connecticut, 2008ko martxoaren 24a). Antzerkian eta irratian lan egin zuen, besteak beste, Orson Wellesen Mercury Theatre on the Air taldean. Bigarren mailako rolak antzezten hasi zen zineman. Henry Hathaway-en Kiss of Death (1947, Heriotzaren musua) filmean antzeztu zuen hiltzaile psikopataren rolak arrakasta handia izan zuen. Harrezkero, ospetsu egin zen; thrillera eta westerna landu zituen gehienbat, eta zinemagile bikainekin lan egin zuen: Delmer Daves, Jules Dassin, John Ford, Samuel Fuller, Elia Kazan, Stanley Kramer, Sidney Lumet, Joseph Mankiewicz, Vincent Minelli, Jean Negulesco, John Sturges, Don Siegel, William Wellman. Aktore bikaina izan zen, indar handikoa, film asko antzeztu zituena. Filmak: Yellow Sky (1948, Zeru horia); Panic in the Streets (1950, Izua kaleetan); Nigth and the City (1950); Broken Lance (1954); Run for the Sun (1954); The Alamo (1960), Judgement at Nuremberg (1961); Two Rode Together (1962, Bi zaldiz elkarrekin); Murder on the Orient Express (1974).

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Richard Widmark Aldatu lotura Wikidatan