Robert Motherwell

Wikipedia(e)tik
Hona jo: nabigazioa, Bilatu

Robert Motherwell (Aberdeen, Washingtongo estatua, Ameriketako Estatu Batuak, 1915 - 1991) marrazkilaria izan zen. Espresionismo abstraktuaren sortzaileetako bat da.

Bizitza[aldatu | aldatu iturburu kodea]

1941ean, ikasketak utzi zituen (Literatura eta Psikologia), eta marrazten hasi zen. Lehenengo lanak surrealisten eraginpean egin zituen, Roberto Matta txiletar margolariaren eraginpean batez ere. Bakarkako lehenengo erakusketa 1944an egin zuen, New Yorkeko Art of this Century galerian. Ondoren erakusketa ugari egin zituen, bai Estatu Batuetan eta bai Europan. 1950ean, Veneziako Biurtekoan bere herrialdearen ordezkari izan zen, bai eta Sao Paulokoan ere, 1961ean.

Lanak[aldatu | aldatu iturburu kodea]

Motherwellen lan nagusien artean aipagarriak dira The crossing (1948, Rockefeller bilduma, New York); eta Elegy to the Spanish Republic (1949-1976, Elegia Espainiako Errepublikari), zuri-beltzeko ehun handiez osatutako saila, Espainiako Gerra Zibilean oinarritua. Azken urteetako lanetan koloreko eremu zabalak erabili zituen.

Erreferentziak[aldatu | aldatu iturburu kodea]