Robert Pattinson

Robert Pattinson
	Irudi gehiago
Bizitza
Jaiotzako izen-deiturak	Robert Douglas Thomas Pattinson
Jaiotza	Londres, 1986ko maiatzaren 13a (37 urte) (37 urte)
Herrialdea	Erresuma Batua
Bizilekua	Londres
Lehen hizkuntza	Ingeles britainiarra
Familia
Aita	Richard Pattinson
Ama	Clare
Bikotekidea(k)	ikusi Kristen Stewart; FKA twigs (en) ; Suki Waterhouse;
Anai-arrebak	ikusi Lizzy Pattinson;
Hezkuntza
Heziketa	The Harrodian School (en) ; Tower House School (en)
Hizkuntzak	ingelesa
Jarduerak
Jarduerak	aktorea, zinema ekoizlea, modeloa, zinema aktorea, antzerki aktorea, musikagilea, abeslaria eta telebista-aktorea
Altuera	185 zentimetro
Jasotako sariak	ikusi MTV Movie Award for Best Kiss (2009) : Twilight; MTV Movie Award for Best Fight (2009) : Twilight; MTV Movie Award for Best Kiss (2010) : The Twilight Saga: New Moon; MTV Award for Global Superstar (2010) ; MTV Movie Award for Best Male Performance (2010) : The Twilight Saga: New Moon; MTV Movie Award for Best Fight (2011) : The Twilight Saga: Eclipse; MTV Movie Award for Best Kiss (2011) : The Twilight Saga: Eclipse; MTV Movie Award for Best Male Performance (2011) : The Twilight Saga: Eclipse; MTV Movie Award for Best Kiss (2012) : The Twilight Saga: Breaking Dawn – Part 1;
Musika instrumentua	gitarra; pianoa

Robert Thomas-Pattinson (Londres, 1986ko maiatzaren 13a^[1]) Erresuma Batuko abeslari, aktorea eta modeloa da. Twilight filmean Edward Cullenena egiteagatik bereziki ezaguna, baita Harry Potteren pelikula baten Cedric Diggoryrena egiteagatik ere.

Biografia

Pattinson Londresen (Ingalaterra) jaio zen, 1986ko maiatzaren 13an. Haren ama Clarek modelismo agentzia baten egiten zuen lan, eta aita Richardek Ameriketako Estatu Batuetatik antzinako autoak inportatzen zituen. 15 urte zituela Barnes konpainian eman zion hasiera bere karrerari antzerkiaren adarrean. Konpainia hartan urte batzuk eman ondoren hainbat antzezlanetan parte hartu zuen. Robert deigarri suertatu zitzaion aktore-agente bati Tess of the D'Urbervilles antzerkia antzezten ari zen bitartean eta ordutik aurrera berarentzako pertsonai eta lan profesionalagoak bilatzen hasi zitzaizkion.

Une hartaz geroztik alemaniar film askotan parte hartu zuen, esate baterako Die Nibelungen – Der Fluch des Drachen izenburukoan 2004ean, eta Vanity Fairren ere Rawdy Crawlyarena egiten, baina bere eszenak ezabatuak izan ziren eta DVD bertsioan baino ezin dira ikusi.

2005eko maiatzean Erresuma Batuko The Woman Before filmaren estreinaldian agertzeko kontratatu zuten, baina hasi baino lehen kaleratu egin zuten eta Tom Rileyk ordeztu zuen. Urte horren amaieran, Cedric Diggoryrena egin zuen "Harry Potter"ren pelikula batean. Ondorioz, Pattinson Times Online egunkariak "British Star of Tomorrow" (euskaraz: 'Etorkizuneko Britaniar Izarra') izendatua izan zen, Jude Law berria izango zela iragarri zuen egunkari birtualak.

Hacketten 2007ko udazkenerako bildumaren publizitatezko kanpainan agertu zen. Urte horretan bertan, Robertek Twilight izeneko filman Edward Cullenena egingo zuela jakitera eman zen, Stephenie Meyer best-seller homonimoan oinarritutako filmea. Era berean pelikularen soinu bandan parte hartzen du Never Think abestiarekin. Robertek behin baino gehiagotan adierazi du diska bat grabatzea gustatuko litzaiokeela, baina ez diskoetxe baten eskutik, baizik eta era independentean. The Summer House, How to be (Zine festibal bakar batean aurkeztua), That Bad Mother´s Handbook, eta Little Ashes (Salvador Dalí gaztearena egiten) filmetan agertzen da ere.

2009ko urtarrilean Parts per Billion izeneko pelikula bat grabatzekotan zegoen, baina azkenean ezin izan zuen filmatzean parte hartu denbora falta zela eta. Urte bereko martxoan Twilight pelikularen bigarren partea (Ilargi berria) grabatzen hasi zen Edwar Cullen interpretatuz.