Robert Robinson
Robert Robinson Britainiar kimikaria izan zen (Bufford, Chesterfield, 1886ko irailaren 13a - Great Missenden, Buckingham, 1975eko otsailaren 8a). Manchesterren ikasi zuen, eta Sydneyko Unibertsitateko irakasle izan zen (1912).
Britainia Handira itzuli ondoren Kimika organikoa irakatsi zuen Liverpoolgo, Londresko eta Oxfordeko Unibertsitateetan, eta 1935ean Shell enpresako zuzendari egin zuten. 1945ean Londresko Errege Elkartearen lehendakari izendatu zuten. Hasieran biologiarentzat garrantzia zuten landareen alkaloideak eta loreen koloregaiak aztertzen hasi zen; lan horren ondorioz, brazilina eta hematoxilina lortu zituen sintesi bidez. Lotura kimikoetan parte hartzen duten elektroiei buruzko teoria interesgarri eta garrantzitsua eman zuen. 1947an Kimikako Nobel saria eman zioten.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2012/1/9 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q49351
Multimedia: Robert Robinson (chemist) / Q49351