Rogelio Salmona

Wikipedia(e)tik
Hona jo: nabigazioa, Bilatu


Kolonbiar arkitektoa (Bogota, 1929 - Bogota, 2007). Ikasketak Kolonbiako Unibertsitate Nazionalean egin zituen, eta 1948. urteaz geroztik Le Corbusierren estudioan lan egin zuen. Fernando Martínez Sanabria, Guillermo Bermúdez eta Aníbal Morenorekin batera, nazioartean ospea zuen lehenengo kolonbiar arkitekto-mugimendua osatu zuen; funtzionalismoa gainditu eta arkitekturarako irtenbide berriak aurkitzea zen talde horren asmo nagusia. Egin zituen lanen artean aipagarriak dira El Polo apartamentu-saila, Bermúdez Umañarekin batera egina, 1959an; El Parque apartamentu-saila, hiriburuaren erdigunean; Jorge Eliécer Gaitán zentroa (1983); Museo Quimbaya de Armenia (1984; 1988ko Arkitekturako Sari Nazionala); Cartagenako Casa de Huéspedes Ilustres (1978-1982; 1986ko Arkitekturako Sari Nazionala); eta Kolonbiako Artxibo Nazionalaren egoitza (1989an hasia, eta 1990eko Arkitekturako Sari Nazionala).

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Rogelio Salmona Aldatu lotura Wikidatan