Roy Acuff

Wikipedia(e)tik
Hona jo: nabigazioa, Bilatu
Roy Acuff

Roy Claxton Acuff (Maynardsville, Tennessee, AEB, 1903 - Nashville, Tennessee, AEB, 1992) estatubatuar abeslari, biolin-jotzaile eta abesti-idazlea izan zen.

Biografia[aldatu | aldatu iturburu kodea]

Country musikako errege izan zen urte askoan, Nashvilleko Grand Ole Opry jaialdian. Beisbolean aritu zen gaztetan, eta, istripu baten ondoren, bere kasa hasi zen jotzen; gero, The Tennessee Crackerjacks taldea sortu zuen; talde hori The Crazy Tennesseans bihurtu zen hurrena, eta The Smoky Mountain Boys, azkenik.

Acuffen tenor ahots ozen ederrak, haren abesteko era gospel-zuri sentiberak liluratu egiten zituen entzuleak. Acuffen abesti aipagarri batzuk: The Great Speckled Bird, Wabash, Cannonball, Wreck on the Highway, Night Train to Memphis, Fireball, Mail, Pins and Needles, The Precious Jewel, Steamboat Whistle Blues, The Great Shining Light, The Broken Heart, It´s Too Late to Worry eta Anymore.

1962an, 25 milioi disko saldu ondoren, Country Musikako Ohorezko Etxeko lehen kide bizi aukeratu zuten. Bizitzako Lorpenen Saria ere bereganatu zuen, 1987an, eta Arteetako Nazio domina, 1991n.


Erreferentziak[aldatu | aldatu iturburu kodea]