Royal Geographical Society
Wikipedia(e)tik
Royal Geographical Society —euskaraz, Erregeren Geografia Elkartea— 1830ean Londresen sorturiko geografia-elkartea da. Ezagutza geografikoak sakontzea eta zabaltzea da elkartearen helburua. Hori lortzeko, espedizioak finantzatzen ditu, eta aldizkariak argitaratzen (The Geographic Journal, The Geographical Magazine).
XIX. mendean hainbat espedizio antolatu zituen Amerikan, Australian, Afrikan (David Livingstone, Richard Francis Burton) eta Iparburuan. XX. mendean, R. F. Scotten Hegobururako espedizioa eta Edmund Hillaryren Everest mendirakoa, esaterako, Royal Geographic Societyk babestuta egin ziren.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
