Ruper Ordorika
 |
||
| Datu pertsonalak | ||
|---|---|---|
| Izen osoa | Ruper Ordorika | |
| Jaio | 1956 | |
| Oñati (Gipuzkoa) | ||
Ruper Ordorika (Oñati, Gipuzkoa, 1956 - ) euskal abeslaria da, euskal musikari berritzaile eta internazionalenetakoa, hala rock eta pop musikan nola beste estilo batzuetan.
Eduki-taula |
Pott Banda [aldatu]
Gasteizen gaztaroko urte batzuk eman ondoren, Bilbon ibili zen unibertsitateko ikasle. Garai hartan Pott Banda literatur taldearen partaide izan zen (1977-1980), Bernardo Atxaga eta Joseba Sarrionandiarekin batera, besteak beste. Beste musikari batzuek, urte haietan kutsu politikodun kantuak hobesten zituzten bitartean (Euskal Rock Erradikalaren garaiak baitziren), Ordorikaren orduko eskaintza ausart eta berritzaile nabarmendu zen, letra barnekoi eta landuak eskainiz. 1988an Henry Bengoa Inventarium ikuskizunean hartu zuen parte, Bernardo Atxaga eta Joxe Mari Iturralde lagunekin batera.
Gaur egun ere, Joseba Sarrionandiaren hitzak sarritan erabiltzen ditu abestiak egiteko.
Mugalaris [aldatu]
Londresen urte batzuk eman ondoren, argitaratzeari utzi zion bolada batean, 1990 arte. Geroxeago Mugalaris taldearekin hasi zen, ordutik hona zuzeneko emanaldietan lagun izan duen taldea.
Hiru Truku [aldatu]
New Yorken beste egonaldi bat egin eta gero, Hiru Truku folk taldea osatu zuen 1994an; Joseba Tapia eta Bixente Martinezekin batera, euskal tradizioko kantuak oinarri hartu eta britaniar folkaren moldeen arabera egokitu dituzte, berezko estilo berezi batez.
Gaur [aldatu]
Bere alderdi rokeroari dagokionez, zigiluz aldatu eta gero (Nuevos Medios eta Metak konpainiekin hasi zen) hurrengo diskoak New Yorken ezagututako lagun batzuekin (Ben Monder, Kenny Wollesen, Fernando Saunders, Stephen Ulrich, Skuli Sverrisson...) grabatzen hasi zen, hemengo musikari eta betiko adiskide batzuekin batera (Josu Zabala, Joseba Tapia, Quimi Portet, Iñigo Goldarazena, Harkaitz Miner,...). Bi disko-bilduma kaleratu ditu bere bizitza artistiko luze honetan zehar. Halaber, 2000. urtean grabatu zuen bere lehenengo zuzeneko diskoa, Bilboko Kafe Antzokian, Gaur izenburukoa.
Diskografia (bakarka) [aldatu]
- Hautsi da anphora (Xoxoa-Elkar, 1980).
- Ni ez naiz Noruegako errege (Elkar, 1983).
- Bihotzerreak (Elkar, 1985).
- Ez da posible (Gasa-Wea, 1990).
- Ruper Ordorika & Mugalaris (Eman Bakia, 1992). Mini-CD.
- Bilduma bat (Elkar, 1992). Lehen hiru diskoen hautaketa.
- So'ik'so (Nuevos Medios, 1995).
- Dabilen harria (Nuevos Medios, 1998).
- Gaur (Esan Ozenki Records, 2000). Zuzenean.
- Hurrengo goizean (Metak, 2001).
- Ruper Ordorika (Nuevos Medios, 2002). Bilduma.
- Kantuok jartzen ditut (Metak, 2003).
- Memoriaren mapan (Elkar, 2006). Joseba Sarrionandiaren letrekin.
- Hamar t'erdietan (Elkar, 2008). Zuzenean.
- Haizea Garizumakoa (Elkar, 2009).
- Hodeien azpian (Elkar, 2011).
Ikus, gainera [aldatu]
Kanpo loturak [aldatu]
- Ruper Ordorikaren webgune ofiziala
- Musikaz Blai webgunean
- «Hertzainak, Konplexu gabeko istorioak kontatu nahian» (Josu Zabalari eta Ruper Ordorikari eginiko elkarrizketa), Argia, 1987.
- "Kanta ez da musika soila, ez poesia soila... eta badu guztietarik" Ruper Ordorikarekin elkarrizketa kantuaren ideiaz Argiaren Larrun gehigarrian (2008)
- "Shakirak bezala, aukerako hizkuntzan abesten dut nik ere" Elkarrizketa Argian (2010)
