Russ Meyer

Wikipedia(e)tik
Hona jo: nabigazioa, Bilatu
This is my own photograph
Russ Meyer (1996)

Estatubatuar zinema-zuzendaria (Oakland, Kalifornia, 1922 - Hollywood, 2004). Bigarren Mundu Gerran, kamarografo gisa lan egin zuen frontean, Art Lloyd zinemagilearekin ikasi ondoren. Gerra bukatuta, dokumentalak egin zituen San Francisco inguruko konpainia batzuentzat, eta biluzien argazkiak Playboy aldizkariarentzat. Gero, Estatu Batuetan modan jarri ziren film erotikoen aitzindarietako bat izan zen: The immoral Mr. Teas (1959), Vixen (1968). Arazoak izan zituen filmak estreinatzeko, baina oso harrera ona izan zuten, eta dirua egin zuen. Hala, diru gutxirekin bortxakeria eta sexu ugariko filmak eginez, irabazi handiak lortu zituen. Film aipagarrienak hauek ditu: The naked camera (1960), Erotica (1961), The immoral West and how it was lost (1962), Heavenly bodies! (1963), Memories of a woman of pleasure (1964), Faster, Pussycat, Kill! Kill! (1966), Finder keepers, lovers weepers! (1968), Cherry, Harry and Raquel (1968), The seven minutes (1971), Blacksnake (1973), Supervixens (1975), Megavixens (1976) eta Up the valley of the beyond (1991). Erica Gavin antzezlea izan zen haren film askotako protagonista nagusia.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Russ Meyer Aldatu lotura Wikidatan