Russell Banks

Wikipedia(e)tik
Hona jo: nabigazioa, Bilatu
Russell Banks, 2011ko Texasko Liburu Azokan.

Russell Banks (Barnhead, New Hampshire, AEB, 1940ko martxoaren 28a) estatubatuar eleberrigilea da.

Biografia[aldatu | aldatu iturburu kodea]

Aita alkoholikoa zuen, eta haren jipoiak jasan behar izan zituen gaztetan. 1958an, unibertsitatean sartu zen, baina zortzi egun besterik ez zituen egin, eta Kubara abiatu zen Fidel Castro ezagutu nahian. Baliabide urriekin, ordea, Floridara iristea besterik ez zuen lortu. Bidaia ugari egin zituen, hala nola Yucatanera eta Jamaikara.

Ezkondu, eta seme bat izan zuen. New Hampshirera itzuli zen, eta han suhiltzaile gisa aritu zen denboraldi batez lanean. Ikasten hastea ere erabaki zuen, eta 1967an ingeles literaturako diploma eskuratu zuen Ipar Carolinako Unibertsitatean.

Bizitza ezohiko horretan oinarrituta idatzi zuen Success Stories (1986). 1985ean, Continental Drift eleberria argitaratu zuen, estatubatuar gizartearen ezaugarri ilunenak erakusten dituena: gizarte klaseen arteko borroka, gizarte-zapalkuntza eta pobreen kontrako bortxakeria. 1989an, Affliction idatzi zuen, estatubatuarren gizontasunaren autopsia egiten zuena. The Rule of Bone (1995) lanean, pobreen Amerika, baztertuena, erakusten du Banksek. Beste idazlan batzuk: The Angel on the Roof (2000), The Darling (2004), The Reserve (2008) eta Lost Memory of Skin (2011).

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Russell Banks Aldatu lotura Wikidatan