Ruth Rendell

Ruth Rendell
	; (1985) Irudi gehiago
Lorden Ganberako kidea
Booker Prize judge (en)
Bizitza
Jaiotza	Londres, 1930eko otsailaren 17a
Herrialdea	Erresuma Batua
Bizilekua	Suffolk; Londres
Lehen hizkuntza	ingelesa
Heriotza	Londres, 2015eko maiatzaren 2a (85 urte)
Heriotza modua	: istripu zerebrobaskularra
Familia
Aita	Arthur Grasemann
Ama	Ebba Elise Kruse
Ezkontidea(k)	Donald John Rendell (en) (1950 -
Seme-alabak	ikusi Simon Arthur Charles Rendell (en) ;
Hezkuntza
Hizkuntzak	ingelesa
Jarduerak
Jarduerak	politikaria, eleberrigilea, gidoilaria, idazlea eta autorea
Lantokia(k)	Londres
Lan nabarmenak	ikusi From Doon with Death (en) ;
Jasotako sariak	ikusi Britainiar Inperioko Ordenaren komendadorea (1996) ; Edgar Allan Poe Award for Best Novel (1987) : A Dark-Adapted Eye (en) ; Martin Beck Award (1980) : Make Death Love Me (en) ; Cartier Diamond Dagger (1991) ; Fellow of the Royal Society of Literature ; Gumshoe Awards (2004) ; Gold Dagger (1976) : A Demon in My View (en) ; Gold Dagger (1986) : Live Flesh (en) ; Gold Dagger (1987) : A Fatal Inversion (en) ; Gold Dagger (1991) : King Solomon's Carpet (en) ; Anthony Award (1995) ; The Grand Master (1997) ;
Influentziak	Dorothy L. Sayers, Patricia Highsmith, Sheridan Le Fanu, Agatha Christie eta M. R. James (en)
Kidetza	Errege Literatura Elkartea
Izengoitia(k)	Barbara Vine
Genero artistikoa	crime fiction (en) ; misterioa
Sinesmenak eta ideologia
Alderdi politikoa	Alderdi Laborista
	literature.britishcouncil.org…

Ruth Barbara Rendell (Londres, Ingalaterra, 1930eko otsailaren 17a - Londres, 2015eko maiatzaren 2a) britainiar idazlea izan zen.

Biografia[aldatu | aldatu iturburu kodea]

Gazte-gaztetatik irakurle amorratua izan zen. Bigarren mailako ikasketak egin ondoren, kazetari gisa lan egin zuen lau urtez hainbat aldizkaritan. Ondoren, ipuinak eta eleberriak idazten hasi zen. Baina lehenengo lanak ez zituen berehalakoan argitaratu. 1964an argitaratu zuen From Doon with Death, bere lehenengo polizia-eleberria. Nobela honetan agertzen da lehen aldiz Wexford inspektore ospetsua. Lan horretan poliziak beren lana egiten ez ezik, beren bizitza pribatuan ere erakusten ditu, eta horrek kutsu errealista ematen dio lanari.

Rendellen lanetan hiltzaileak bestalde izaki arruntak dira, zenbaitetan baztertuak. Baina horien motibazioak ezagutzea da egilearen helburua. Bere kontakizunetan era guztietako gaiak lantzen ditu: bakardadea, familia arteko harremanak, maitasuna, intzestua, arrazismoa, langabezia. Dena dela, pertsonaien analisi psikologikoa da Ruth Rendell suspenseko lanak idaztera eraman zuen arrazoia. Alor horretan askatasun handiagoa sentitzen zuen. Salomeren dantza (1965) eta Mamuak (1963) lanetatik hasi eta Krokotido txoria (1993) lana bitartean, lan askorekin lortu zuen arrakasta alor horretan.

Analfabetoa (1977) lana hartzen da Rendellen maisulantzat. 1986. urtetik aurrera zenbait lan psikologiko ilun idatzi zituen. Garai berri hori aurrekoetatik bereizteko, Barbara Vine ezizena erabili zuen. A Dark-Adapted Eye (1986) eta Asta's Book (1993, Astaren egunkaria) dira aldi horretako lanak.

Ruth Rendellek berrogei lan baino gehiago idatzi ditu, hamabost hizkuntza baino gehiagotara itzuli dira bere lanak, eta salmenta handieneko liburuen artean egon dira. Bestalde, hainbat sari irabazi ditu, hala nola, Frantziako Abenturako Eleberrien Saria, eta hainbat sari Estatu Batuetan Mystery Writers of America erakundearen eskutik. Baroisa titulua eman zioten 1997an.

Rendellen lanetako batzuk zinemara eraman izan dira; horien artean, Pedro Almodóvarren Carne trémula filma (1997).

Wikimedia Commonsen badira fitxategi gehiago, gai hau dutenak: Ruth Rendell

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q232260
Multimedia: Ruth Rendell / Q232260