Rwenzori

Rwenzori mendiak Fort Portaletik hegoalderantz.

Rwenzori (1980 arte, Ruwenzori izena erabili zen) edo Ilargiaren mendiak Erdialdeko Afrikako mendilerroa da, Uganda eta KEDaren arteko mugan kokatuta. Kilimanjaro eta Kenya mendiekin batera, bere mendirik altuenak elur-iraunkorra duten Afrikako mendi bakarrak dira. Batzuen ustez, Rwenzoriak Klaudios Ptolemaiosen "Ilargiaren mendiak" dira.

Mendilerroak 120 km luzera eta 65 km zabalera ditu. Sei mendikotetan banatuta dago:

• Stanley mendia (5.109 m),
• Speke mendia (4.890 m),
• Baker mendia (4.843 m),
• Emin mendia (4.798 m),
• Gessi mendia (4.715 m), eta
• Luigi di Savoia mendia (4.627 m).

Eskualdea hezea da oso eta normalean mendiak hodeiz beteta daude. Ia mendilerro gehiena Gizateriaren Ondarea da eta bi parketan banatuta dago: Ugandako Rwenzori Mountains National Park eta Kongoko Errepublika Demokratikoko Parc National des Virunga.

Rwenzori ikusteko lehendabiziko europarra Henry Morton Stanley zen, 1889an. Lehenengo igoera 1906an Abruzziko kondeak egin zuen.