Sæmundr fróði

Wikipedia(e)tik
Hona jo: nabigazioa, Bilatu
Ásmundur Sveinssonren eskultura Islandiako Unibertsitatean.

Sæmundr jakintsua edo Sæmundr fróði (1056-1133), islandiar olerkari bat izan zen.[1]

Apaiza izan zen eta Parisen (edo agian Frankonian) ikasi zuen. Sigfusen semea zen, eta, beraz, islandiar patronimikoen arabera, Sæmundur Sigfússon zen. Oddin eskola bat sortu zuen eta Oddaverjar klaneko partaide izan zen.

Edda poetikoa edo "Edda lehena"ren egiletza ematen zaio, baina, ziur asko, soilik, idazki bilketa bat baino ez zuen egin, eta bere egiletza eztabaidatua da. Hipotesi honek, bere jatorria, 1643an, Codex Regiusa aurkitu izanean du, uste denez, Brynjólfur Sveinsson gotzainaren eskuetan amaitu zuena, Danimarkako erregearen aurrean aurkeztu zuena, eta hortik Codex Regius izena.

Gotzainak, olerki bilduma hau, "Edda lehena" deitu zuen, Snorri Sturlusonek idatzitako "Edda bigarrena" edo Edda prosaikoaren oposizioz.[2]

Gainera, latinez, Norvegiako erregeen historia idatzi zuen, galdu egin den lana, baina ondorengo idazle asko inspiratu zituena, Snorri Sturluson bera kasu.

Islandiar folklorean hainbat aldiz agertzen den pertsonaia ere bada (euskal folklorean Axular agertzen den moduan), normalean deabrua engainatuz.[3]

Erreferentziak[aldatu | aldatu iturburu kodea]

  1.   Aðalsteinsson, Jón Hnefill (1994), Sæmundr Fróði: a medieval master of magic, Nordic Yearbook of Folklore, 117–32. orrialdea .
  2.   Paasche, Fredrik (1956), Norsk Litteraturhistorie I: Norges og Islands Litteratur (2. argitaraldia), Oslo: Aschehoug, 273–6. orrialdea .
  3.   Sigurðsson, Gísli (1996), Icelandic National Identity: From Romanticism to Tourism, Making Europe in Nordic Contexts, Turku: NIF Publications, 52. orrialdea .