Sakabanatze-diagrama

Autoen abiadurak (abzisak) eta abiadura horretan gelditu arteko denborak (ordenatuak) erakusten dituen sakabanatze diagrama: abiadura zenbat eta handiagoa, eskuarki handiagoa izaten da gelditu arteko denbora (korrelazio positiboa). Puntu bakoitzak auto baten abiadura eta gelditu arte behar izan duen denbora irudikatzen du.

Estatistikan, sakabanatze diagrama edo puntu hodeia bi aldagai koantitatibo irudikatzeko diagrama da. Bi aldagaien arteko korrelazioaren nondik norakoak ezagutzea du helburu.

Eraketa

Bi ardatz kartesiarretan, datu multzo bateko aldagai bana kokatzen da. Ondoren, elementu edo banako bakoitzeko puntuak kokatzen ditugu planoan, elementuak aldagaietan hartzen dituen balioen arabera.

Ez du aparteko garrantzirik zein aldagai ezartzen den abzisetan eta zein ordenatuetan, koerlazioa esploratzea bakarrik bada helburua. Baina, bi aldagaietan bata bestearen kausa edo eragilea bada, saiakuntzetan gertatu ohi den bezala, komeni da kausa edo aldagai independentea abzisetan ezartzea.

Adibidea

4 ikasleren matematika eta hizkuntza kalifikazioak dira hauek, hurrenez hurren:

A ikaslea:5,6  B ikaslea:6,7   C ikaslea:7,7  D ikaslea:8,8

Datu hauei dagozkien puntu hodeia hau da:

Aldaerak

Hiru dimentsiotako sakabanatze diagrama

Hiru dimentsiotako sakabanatze diagramak ere era daitezke baina ez dira ohizkoak.

Aldagai anitz binaka hartu eta ondoren eratutako sakabanatze diagramak batera jarrita

Aldagai anitzeko datu multzo batean, aldagaiak binaka hartu eta bikote bakoitzeko eratzen diren sakabanatze diagramak batera jartzea interesgarri izaten da, aldagaien arteko loturak esploratzearren.