San Antongo zubia

San Antongo zubia
Zubia eta gertuko izen bereko eliza.
Lerroak	Bi
Zeharkatzen du	Bilboko itsasadarra
Non	Bilbo, Bizkaia
Diseinatzailea	Hoffmeyer
Diseinua	1870
Materiala	hormigoia
Eraikitzen amaitu zen urtea	1880
Irekitze-data	1880
Bidesaria	Ez

San Antongo zubia Bilboko itsasadarreko zubia da, eskuinaldetik Zazpikaleak eta ezkerraldetik San Frantzisko lotzen dituena. San Anton eliza ondoan du.

Historia

1318 baino lehen eraikia, litekeena da 1300an hiribildua eratu baino lehenagokoa izatea. Mendeetan zehar Bilboko itsasadarra zeharkatzen zuen zubi bakarra izan zen, bilbotarrek ertze bien arteko komunikazioen monopolioa mantendu nahi zutelako.

Bilboko ikur bihurtua, la puente vieja (euskaraz: "zubi zaharra") ezizena duena, hiriburuaren armarrian agertzen da. Erdi Aroan eraiki zutenetik, oso zubi inportantea izan zen bertatik Bizkaiko jaurerria eta Gaztelako Erresumaren arteko merkataritza guztia pasa behar zuten, Maria Diaz I.a Harokoak Bilbori emandako eskubideari esker. XV. mendean, Bilboko agintariek zubi honetan bertan exekutatzen zituzten gaizkileak. Hiltzeko zigortuei harria lotu eta itsasadarrera bota zituzten.

Uholde askoren eraginez hainbat alditan jauzia, askotan berreraikia izan zen. Horrexegatik 1870ean Udalak egungo kokalekuan zubi sendo bat eraikitzea erabaki zuten. Antzinako zubia San Anton elizaren aurrean zegoen, hau da, uretan behera eta 1882an desagertu zen. Hoffmeyerrek diseinatuta, egungoa 1880an zabaldu zuten.

1937ko ekainaren 17an Bilbo galdu zenean zubia dinamitaz lehertu eta frankistek laster hasi zituzten zubia berreraikitzeko lanak.