San Lorentzoko geltokia

San Lorentzo
	Kokapen mapa
Lineak
Kokapena
Helbidea	Gipuzkoa hiribidea, 37; 48260
Udalerria	Ermua, Bizkaia
Geltokiaren datuak
Gunea	5. gunea (BGP) ; 4. gunea (Mugi)
Irisgarria
Nasak	1
Trenbideak	1
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Donostia ; Bilbo ↔ Elgoibar ; Ermua ↔ Eibar

43°10′46″N 2°29′45″W / 43.179422°N 2.495839°W

San Lorentzo Euskotrenen E1 (Bilbo-Donostia) lineari, eta horren azpi-linea diren 1D (Durangaldea) eta 1T (Ermua-Eibar tranbia) lineei dagokien lurgaineko tren geralekua da, Bizkaiko Ermua udalerrian kokatuta dagoena. Bizkaiko Garraio Partzuergoaren 5. tarifa-gunean eta Mugi sistemaren 4. tarifa-gunearen barruan dago.

Bilbo-Donostia trenbidearen barne, geralekuan eskualdeko zerbitzuak eskaintzen dira Bilboko Matiko eta Donostiako Amarako geltokien artean (E1 linea), eta Matiko eta Elgoibarko geltokien artean ere (1D linea). Zerbitzu horiez gain tranbia ezizenez ezagutzen den Ermua eta Eibar elkarlotzen dituen hiriarteko maiztasun altuko zerbitzua ere jasotzen du, (1T linea).

2018ko azaroaren 28tik 2019ko urtarrilaren 30a arte Errotaberri-San Lorentzo trenbide tartea berriztatzeko lanak zirela eta tranbia zerbitzuek ez zuten geldialdirik egin San Lorentzon.^[1]^[2]

Sarbideak[aldatu | aldatu iturburu kodea]

Geralekuak sarbide bakarra du, oso malda handiko arrapala baten bidez. Ondoren, pasonibela gurutzatu behar da. Hala, geralekuak irisgarritasun arazo handiak ditu.^[3]