Sandalo zuri

Wikipedia(e)tik
Hona jo: nabigazioa, Bilatu
Sandaloa

Sandalo zuria santalazeoen familiako Santalum generoko zuhaitz-espeziea (Santalum album). Itxuraz intxaurrondoaren antzekoa da, baina neurriz hura baino txikiagoa. Zur zuria eta usaintsua du. Hostoak bakunak, osoak, zabalak eta puntaestuak ditu, elkarren aurka antolatuak. Lore txikia izaten du, eta fruitua gereziaren antzekoa. Indian eta Malaysiako uhartedian eta Australian hazten da, batez ere. Zura oso egokia da lantzeko. Intsentsuaren antzera, gai lurrintsu gisa ere erabiltzen dute hinduistek eta budistek, horretarako makila txikietan prestatu eta errez. Sustrai oliotsuak ditu, eta hazten den lurraldeetako biztanleek haietatik ateratzen duten olioa gorputza igurzteko eta xaboia eta gai lurrintsuak egiteko erabiltzen dute.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Sandalo zuri Aldatu lotura Wikidatan