Santiago Carrillo
 Santiago Carrillo 2007an. |
||
| Datu pertsonalak | ||
|---|---|---|
| Izen osoa | Santiago Carrillo Solares | |
| Jaio | 1915eko urtarrilaren 18a | |
| Gijón, Asturias (Espainia) | ||
| Hil | 2012ko irailaren 18a (97 urte) |
|
| Madrid (Espainia) | ||
Santiago Carrillo Solares (Gijón, Asturias, Espainia, 1915eko urtarrilaren 18a - Madrid, 2012ko irailaren 18a) espainiar politikari komunista da.
Espainiako Alderdi Komunistaren buru izan zen 1960tik 1982 arte. Espainiako Gerra Zibilan parte hartu zuen eta Frankismoaren aurkako oposizioa (erbestean) eta Espainiar Transizioan pertsonaia garrantzitsua izan zen.
Biografia [aldatu]
Gaztedi Sozialistako idazkari orokorra zelarik, 1934. urteko Asturiasko matxinada iraultzailean hartu zuen parte.
Alderdi Komunistako kide bihurtu zen 1936. urtean.
Gerra amaitutakoan Frantziara joan eta Espainiako Alderdi Komunista berrantolatzeaz arduratu zen.
1960. urtean Alderdiko Idazkari nagusi izendatu zuten.
Eurokomunismoa bultzatu zuen Sartaldeko Europako ezkerraren aurrerabide gisa, eta eten demokratikoa proposatu zuen frankismoa gainditzeko. Franco hil ondoren, ordea, frankismo barrutik bideraturiko trantsizioa bultzatu zuen, alderdi komunista legeztatu ondoren (1977).
Alderdi komunistak 1982ko hauteskundeetan porrot handia jasan ondoren, idazkaritza nagusia utzi zuen eta gorabehera ideologiko handien ostean, 1985ean alderditik atera behar izan zuen.
1991. urtean ideia komunistak utzi eta PSOE alderdian sartzera bultzatu zituen bere jarraitzaileak, bera kanpoan gelditu bazen ere.
Kanpo loturak [aldatu]
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
