Santurtziko zentral termikoa

Santurtziko zentral termikoa
	Santurtziko zentral termikoa alboz ikusia
Informazio orokorra
Koordenatuak	43°20′20″N 3°03′07″W / 43.339°N 3.052°W
Udalerria	Santurtzi; Euskal Herria
Energia mota	Zentral termikoa
Jabea	Iberdrola
Eragilea	Iberdrola
Eraikitze urtea	1969, 1972, 2005
Martxan jartzea	1970
Gelditzea	2011 (Ziklo konbentzionala)
Potentzia
Kapazitatea	402 MW
Urtean sortutako potentzia	1.421 GWh
Funtzionamendua
Egoera	Martxan (1) ; Zerbitzuz kanpo (3)
Talde kopurua	4
Ziklo konbinatua	Bai
Erregaia	Fuel olio eta gas naturala
Bestelakoak	Lau taldeen potentzia 1.335 MWkoa da

Santurtziko zentral termikoa Iberdrola enpresak Santurtzi udalerriko ipar-mendebaldean eraikitako zentral termoelektrikoa da. 1970ean zabaldu zen eta lau taldek osatzen dute, garai desberdinetan eraikitako turbinekin. Lau taldeetatik hiru ziklo konbentzionalak dira, eta 2009tik zerbitzuz kanpo daude. Laugarren taldea ziklo konbinatua da, eta martxan dago. Guztira, instalaturiko potentzia 1.335 MWekoa da, baina gaur egun 402 MWera besterik ez da heltzen, geldirik dauden taldeak direla eta.

Ekoizpena[aldatu | aldatu iturburu kodea]

Zentralaren eraikuntza 1960ko hamarkadaren amaieran hasi zen, Bilboko portuko kanpoaldeko kai berriaren aurrean. Hurrengo taldeez osatuta dago:

I. taldea 1969an eraiki eta 2009an geldiarazi zen, 377 megawatteko instalaturiko potentzia zuen ziklo konbentzionala zen eta petrolio erregaia erabiltzen zuen. Eraiki ondoren gas naturala ere erre ahal izateko moldatu zen. 2010retik eraiste prozesuan dago.
II. taldea I. taldearen parekoa zen, eta 540 megawatteko potentzia zeukan. 2010retik eraiste prozesuan dago.
III. taldea 1972an eraiki eta 2009an geldiarazi zen, 17 megawatteko instalaturiko potentzia zuen gasdun turbina zen. Gaur egun eraitsita dago.
IV. taldea 2005ean eraiki zen eta 402 megawatteko potentzia duen ziklo konbinatua da, erregai modura gas naturala erabiltzen duelarik.

Zentralak hiru tximinia eduki ditu, honako altueradunak:

186,5 metroduna, 2010retik eraisten ari dute.
156,5 metroduna, 2010retik eraisten ari dute.
74,55 metroduna, IV. taldeari lotuta dago.

Hoztea[aldatu | aldatu iturburu kodea]

Zentralaren hoztea, Bilboko portutik itsasoko ura hartzen duten hodien bitartez egiten da.

Zentralaren kudeaketa[aldatu | aldatu iturburu kodea]

Iberdrola zentrala eraiki eta bere kudeaketaz arduratzen da. Horrez gain, zentralaren kudeaketa egiteko sortutako enpresaren akzioen %100aren jabe da.