Santutxu

Wikipedia(e)tik

Koordenatuak: 43°15′15″N 2°54′42″W / 43.25417, -2.91167 (Santutxu)

Santutxu Bilboko auzoa da.

Bilboko laugarren barrutian kokatuta dago, Begoñako distrituan alegia. Barrutiaren gunerik populatuena da, auzoak guztira 34.083 biztanle dauzka, eta 80,68 hektareako azalera. Guztira 422 biztanle bizi dira hektareako. Biztanle dentsitate gehienetarikoa duen Bilboko auzoa da Ametzolako auzoarekin batera.

Eduki-taula 1 Historia 1.1 1960ko hamarkada 1.2 Berritzea eta azken urteak 2 Euskera 3 Garraio publikoa 3.1 Autobusa 3.2 Metroa 4 Kale garrantzitsuenak 5 Ikus, gainera

[aldatu] Historia

[aldatu] 1960ko hamarkada

1960ko hamarkadan hasi zen auzoaren garapena, garaiko hirigintza legedia ezak eraginda, inolako ordenik gabe hazi zen auzoa. Etxebizitza dorreak bata bestearen atzean, batzuk kooperatiba moduan eraikiak, Karmelo kalekoak esaterako. Plangintza falta horrek eraginda, gune berdeak eskasak dira, Basarrateko parke txikia kenduta ez baitago beste gune berderik auzoan.

Auzoa muino batean kokatua dago, eta iparraldetik hegoalderantz altuera galtzen doa pixkanaka, gunerik altuena Zabalbide kalean aurkitzen da eta baxuena Basarrate eta Sagarminagako auzunean. Auzoaren ezaugarrietako bat, maldak dira, hiriko beste alderdi askotan bezala.

[aldatu] Berritzea eta azken urteak

2003. urtetik aurrera udalak Sagarminagako auzunearen berritzeari ekin zion. Auzune hau, inolako ordenik eta halamoduzko hiritartzearekin eraiki zen 1960ko hamarkadan. Horregatik, Bilboko udalak plaza berriak eta umeentzako jolasak jarri ditu etxebizitza blokeen artean, auzunearen berriztapena 2005. urtean burutu zen. 2006. urtean Azurlekuko auzunearen berriztapena hasi zen.

[aldatu] Euskera

Auzoan bertso-eskola beteranoa dugu, Bilboaldeko nagusia dena. Bestela, Asapala Kultur Elkarteak Santutxun du egoitza eta bertatik "Berton" aldizkaria argitaratzen du, besteak beste.

Ingurune honetan mendeetan zehar Bilboko euskararen aldaera bat ("Begoñako euskerie") egin izan dute bertokoek, bereziki 1960ko hamarkada arte.

[aldatu] Garraio publikoa

[aldatu] Autobusa

Bilbobusen honako lineek zeharkatzen dute auzoa:

Linea	Ibilbidea	Maiztasuna (min)
'	San Inazio - Txurdínaga	12´
'	Otxarkoaga - Santutxu	30´
'	Santutxu - Plaza Biribila	12´
'	Garaizar - Santutxu	30´
'	Santutxu - Ospitalea	15´
'	Peñascal]] - Larreagaburu	12´

[aldatu] Metroa

Bilboko metroaren bi geltoki daude auzoan, Santutxu eta Basarrate. Santutxuko geltokiak bi sarrera dauzka, bata Karmelo kalean eta bestea Zabalbiden. Igogailua ere Zabalbide kalean aurkitzen da. Basarrateko geltokiak sarrera bakarra dauka, izen bereko parkearen ondoan. Bilbobuseko 34. eta 43. lineak Otxarkoaga eta Garaizarreko bizilagunak Bilboko metroraino hurbiltzeko jarri zituen Bilboko udalak 1999ean.

[aldatu] Kale garrantzitsuenak

• Karmelo Kalea
• Zabalbide Kalea
• Santutxu Kalea

[aldatu] Ikus, gainera

• Mahatserri

	Bilboko auzoak
Abando • Abusu • Altamira • Ametzola • Arabella • Arangoiti • Atxuri • Basurtu • Begoña • Bilbo Zaharra • Bolueta • Castaños • Deustuko San Pedro • Errekaldeberri • Ibarrekolanda • Indautxu • Iralabarri • Iturrialde • Iturrigorri • Larraskitu • Loruri • Masustegi • Matiko • Olabeaga • Otxarkoaga • San Adrian • San Frantzisko • San Inazio • Santutxu • Solokoetxe • Txurdinaga • Uretamendi • Uribarri • Zabala • Zazpikaleak • Zorrotza • Zurbaran