Sardiniako Erresuma (1720-1861)

Sardiniako Erresuma Regno di Sardegna
1720 – 1861
Monarkia
Sardiniako Erresuma 1815ean
Geografia
Hiriburuak	Turin Cagliari (1798-1814)
Kultura
Hizkuntza(k)	Italiera, sardiniera, frantsesa, frankoprovenzera, piemontera
Erlijioa	Katolikoa
Historia
Sorrera	1720ko abuztuaren 24a
Frantziar inbasioa	1796-1797
Vienako Batzarra	1815eko ekainaren 9a
Italiaren bateratzea	1861eko martxoaren 17a
← Aurrekoak Savoiako dukerria Genovako Errepublika Sardinia Ondorengoak → Italiako Erresuma Frantziako Bigarren Inperioa

Sardiniako Erresuma, Piemonte-Sardinia edo Sardinia-Piemonte ere deitua, Savoiako etxearen jabegoa izan zen 1720 eta 1861 artean. Sardiniaz gain, Savoia, Piemonte eta Niza hartzen zituen erresumak. 1815ean, Vienako Batzarrak Liguria (Genova barne) erantsi zion.

Espainiako Ondorengotza Gerraren ondoren, 1713ko Utrechteko Itunaren kariaz, Viktor Amadeo II.a Savoiakoak Siziliako koroa jaso zuen. Baina 1720an, Londresko itunean (1718) adostutakoaren arabera, Sizilia Austriar Inperioari eman behar izan zion eta, ordainez, Sardinia (ordura arte Espainiaren izana) hartu zuen. Ordutik 1861 arte Viktor Amadeo eta haren ondorengoak Sardiniako errege titulua eraman zuten, beren botere eta aberastasunaren jatorria, eta baita egoitza ere, Piemonten zegoen arren. 1848ko martxoan Karlos Alberto Sardiniakoak Statuto Albertino izeneko konstituzio berria promulgatu zuen. 1861ean Vittorio Emmanuele, Karlos Albertoren semea, Italiako Erresuma batuaren errege bilakatu zen. Erresuma berri horren konstituzioa Statuto Albertinoan oinarritu zen.

Errege zerrenda

• Viktor Amadeo II.a Savoiakoa (1720–1730)
• Karlos Emanuel III.a Sardiniakoa (1730–1773)
• Viktor Amadeo III.a Sardiniakoa (1773–1796)
• Karlos Emanuel IV.a Sardiniakoa (1796–1802)
• Viktor Emanuel I.a Sardiniakoa (1802–1821)
• Karlos Felix Sardiniakoa (1821–1831)
• Karlos Alberto Sardiniakoa (1831–1849)
• Viktor Emanuel II.a Sardiniakoa (1849–1861)

Ikus ere

• Sardiniako Erresuma

Kanpo estekak

• Datuak: Q85952974