Sareko Euskal Gramatika
Sareko Euskal Gramatika Euskal Herriko Unibertsitateko Euskara Institutuaren lan bat da, unibertsitateko espezialistarik nabarmenenek prestaturiko euskararen gramatika Interneten guztien eskura jartzeko asmoa duena.[1] Ekimen hori 2008an abiatu zen,[2] eta 2010eko martxoaren 31n plazaratu.[3] Proiektu dinamikoa da: dagoeneko sartuta dagoen material ugaria eguneratu eta osatzeaz gainera, beste material batzuk sartuz joango dira.[2]
Izena gorabehera, ez da gramatika soila. Izan ere, euskararen barne arauak azaltzeaz gainera, euskal hizkuntzaren beste hainbat arlori buruzko argibideak ere ematen ditu: soziolinguistikari, historiari, fonetika eta fonologiari, lexikoari, mofosintaxiari eta euskalkiei buruzkoak, besteak beste.[3][2]
Sarean garatutako proiektua izanik, teknologia berriek eskaintzen dituzten lanabesak baliatu dituzte Sareko Euskal Gramatika atontzeko,[3] hala nola: testuak, argazkiak, irudiak, barneko eta kanpoko estekak (hainbat hizkuntzatan), eta abar.[2]
Lan taldea[aldatu | aldatu iturburu kodea]
Sareko Euskal Gramatikako zuzendariak Pello Salaburu, Patxi Goenaga eta Ibon Sarasola euskalari eta hizkuntzalariak dira, Euskal Herriko Unibertsitateko (EHU) irakasleak hirurak. Gainera, EHUko bertako eta beste hainbat tokitako hizkuntzalari ugarik parte hartzen dute egitasmo horretan, Sareko Euskal Gramatikako atalak eginez.[3][4]
Erreferentziak[aldatu | aldatu iturburu kodea]
- ↑ «Sareko Euskal Gramatika zer den», Sareko Euskal Gramatikaren webgunean.
- ↑ a b c d EHUko Komunikazio Bulegoa: «Euskarak badu sarean gramatika osoa eta guztiz berritzailea denon eskura», EHU.es webgunea, 2011-03-31.
- ↑ a b c d Gotzon HERMOSILLA: «Euskal gramatika eta Egungo Euskararen Hiztegia sarean jarri ditu EHUk», Berria, 2011-04-01.
- ↑ «Egileak», Sareko Euskal Gramatikaren webgunean.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q12267094