Saroe jauregia

Saroe Jauregia
Kultura ondasuna
Saroe jauregiaren aurrealdea. Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Usurbil
Koordenatuak	43°16′11″N 2°03′03″W
Historia eta erabilera
Irekiera	XVII. mendea
Arkitektura
Estiloa	Arkitektura barrokoa
Ondarea
BIC	RI-51-0001572
18

Saroe Jauregia Gipuzkoako Usurbil udalerrian dagoen jauregi historikoa da. Kale Nagusian dago, Salbatore elizaren parean eta Elizalde auzoan. Gipuzkoako kultura ondasuna izendatua dago.

Historia

Saroe, Sarobe edota Soroa izenez -izen honez esaten baitzaio etxe honi- ezagutzen den leinua oso aspaldikoa da. Soroatarrak aipatuak dira Navas de Tolosa eta Saladoko batailetan XIII. eta XIV. mendetan.

Oinetxe honetako pertsona baten lehenengo aipamena Joanes de Saroe da, XV. mendean.

Hala ere, eraikin hau XVII. mendean eraiki zuen Ignazio Soroa kapitainak, aurreko etxea erre zenean. Barrokoa da. Itxurak berak erakusten duen bezala oso etxe aberatsa izan da; bereak zituen, besteak beste, baserri asko Urdaiaga, Kalezar eta Kaleberrin, eta ontziolak Aginagan.

XX. mendearen hasiera aldean berritu zuen Joaquin Irizar arkitektoak.

Eraikina

Eraikin bakartua da, solairu eta bi pisukoa. Oinplano karratukoa eta lau isuriko teilatua. Harearrizko harlanduzkoa.

Aurrealdea oso landua da: ezker-eskuin simetrikoak, seina balkoi pisuko, eta oinean bi ate arku karpanelekin. Ateak burdinazkoak. Leiho eta balkoietan ertzek kuxindurak dituzte erliebean. Honek guztiak oso itxura ederra ematen dio. Goiko pisuaren erdian Saroetarren armarri handi eta eder bat dago. Beste aldeak ez daude horren landuak.

Eraikinaren atzeko aldean lorategi handi bat dago. Guztiz hesitua dago.

Monumentu izendatua dago.

Bibliografia

• MURUGARREN, Luis, Usurbil. Aguinaga, Urdayaga y Zubieta., Caja de Ahorros Municipal de San Sebastián, 1974.
• Tellabide Azkolain, Josu, Usurbilgo baserriak eta baserritarrak. Usurbil. Noaua kultur elkartea, 2004.

Ikus gainera

• Gipuzkoako kultura ondasunak

Kanpo estekak

• Saroe jauregia in Hiru.com
• Saroe jauregia in Usurbilgo baserriak eta baserritarrak

• Datuak: Q19979217
• Multimedia: Saroe palace / Q19979217