Saturno (planeta)

Saturno Ezaugarri orbitalak Eguzkira batezbesteko distantzia 9,53707032 UA Batazbesteko erradioa 1.426.725.400 km Eszentrikotasuna 0,05415060 Orbita periodoa 29 urte 167 egun 6,7 ordu Batazbesteko abiadura orbitala 9,6724 km/s Inklinazioa 2,48446° Satelite naturalen kopurua gutxienez 62 Ezaugarri fisikoak Diametroa 120.536 km Azalera 4,38×1010 km² Masa 5,688×1026 kg Dentsitatea 0,69 g/cm³ Grabitatea azalean 8,96 m/s² Errotazio periodoa 10 ordu 39 minutu 25 segundo Ardatz-inklinazioa 26,73° Albedoa 0,47 Ihes-abiadura 35,49 km/s Azal tenperatura min. batazb. max. 82 K 143 K --- K Ezaugarri atmosferikoak Presio atmosferikoa 140 kPa Hidrogenoa > %93 Helioa > %5 Metanoa  %0,2 Ur lurruna  %0,1 Amoniakoa  %0,01 Etanoa  %0,0005 Fosfina  %0,0001

Saturno Eguzki-sistemako seigarren planeta da, sistema horretan dauden gasezko lau erraldoietako bat. 120.660 km-ko ekuatore-diametroa du, eta 29 urte eta 167 eguneko urtea. Izotzez eta hautsez osatutako eraztun ikusgarriak ditu. Hidrogenoz eta helioz osatuta dago. Gutxienez 62 satelite natural ditu, eta Titan da horietan handiena.

Izena, greziar mitologiako Saturno jainkotik datorkio.

Ezaugarri nagusiak

Urak baino dentsitate txikiagoa izaki, igerileku erraldoi batean jarriz gero, flotatu egingo luke.

• Eguzkitikako distantzia: 1.493 milioi km
• Diametroa: 120.700 km
• Dentsitatea: 0,70 g/cm3
• Satelite naturalen kopurua: gutxienez 62
• Masa (lurrarean = 1): 95,22
• Bolumena (lurrarena = 1): 745
• Errotazioa: 10h. 14min.

Eraztunak

Sakontzeko, irakurri: Saturnoren eraztunak

Eguzki-sistemako planeta dirdiratsuena da eta eraztunik ikusgarrienak ditu.

Atmosfera

Saturnoko atmosferan ageri diren haizeak eguzki-sistemako planetetan dauden bortitzenak dira. 1996tik 2002 urtera bitartean Hubble espazio teleskopioarekin (HST) egindako behaketek, haize hauen ustekabeko eta ikaragarrizko murrizketa azaldu dute planetaren ekuatorean Voyager espazio-ontzien garaietatik 1980-1981 urteetan. Haize-sistema, atmosferan sartuta eta planetaren barne-beroaren menpe egon beharrean, badirudi orain kanpoko fenomeno bat dela urtaroen eraginen eta ekuatorean eraztunen itzalak eragindako ubelduren menpe. Ekuatoretik kanpo haize zonalak egonkor mantendu dira.

Gasezko planeta erraldoiak

Jupiter, Saturno, Urano eta Neptuno planetei gasezko erraldoi deitzen zaie Eguzki-sistemako beste planetekin alderatuta izugarri handiak direlako eta ez dutelako azal gotorrik. Kanpotik erdigunera dena gas dira, hori bai, dentsoagoak erdigunera gerturatu ahala. Planeta horien nukleoa metal moduan portatzen den hidrogeno likidoz osatuta dagoela uste da. Oro har, bolumen handia eta dentsitate txikiak dituzte, eraztun eta satelite asko, eta atmosfera konplexuak. Hidrogenoa, helioa, metanoa eta amoniakoa dira planeta horien osagai nagusiak.